CHAPTER 38
Emily
“Emily...”
Agad akong napatingin sa likod nang bumukas ang pintuan ng kwarto namin ni Josie. And she’s there, nakalusot ang ulo sa nakaawang na pintuan.
“Magsisimula na ang selebrasyon.” Tumango lang ako sa kaniya at agad naman niyang isinara ulit ang pintuan, nagmamadali dahil magsisimula na nga ang selebrasyon ng anibersaryo o ng Awakening.
Napahawak ako sa leeg ko. Hindi ko alam kung paano, pero mula nang unti-unting mawala ang liwanag sa langit ay pawang nagsimula akong manghina.
Akala ko ay medyo napagod lang ako sa walang hintong trabaho mula pa lang nang magising ako. Pero nang nagdaan pa ang ilang mga oras ay pawang unti-unting sumesentro sa leeg ko ang sakit na nararamdaman.
Lumakad ako papunta sa salamin na nasa banyo namin at hinawi ang suot na uniporm
