ALANA
Lumabas ako ng aking sasakyan tanaw ko ang dagat mula sa aking kinatatayuan. Walang paroo't parito na mga sasakyan kaya malaya sigurong sumigaw ako.
Malamig na hangin ang yumapos sa buo kong katawan.
Hangin na galing sa dagat.
Sumigaw ako ng sumigaw hanggang sa magsawa ako.
Napansin ko rin ang pagdilim ng kalangitan na para bang babagsak at babagsak na mamaya ang ulan ngunit wala akong pakialam.
Nanatili akong nakatayo at nakatanaw sa dagat at nagulat nang may nagsalita sa aking likuran.
At nang lingunin ko ito ay agad na bumilis ang tibik ng aking puso.
Gulong-gulo ang kanyang buhok na para bang ilang beses niya itong sinabunutan at bukas din ang itaas na dalawang butones ng kanyang puting polo.
Hindi ko man lang namalayan ang kanyang sasakyan na pumarada malapit sa akin.
