NAPATINGIN AKO KAY Jam na nagbabasa ng libro habang nasa gilid ko. Gusto ko sanang tumayo para magkaroon naman ako ng privacy na kausapin si Chard, pero sabi niya ay dito na raw ako at bakit kailangan ko pa raw lumayo. Kaya hindi na ako nakaapela pa dahil tumatawag na si Chard.
“Hera, kailan ba ang day off mo? Sabi mo nitong Linggo? Halos isang buwan ka na d’yan pero wala ka pa ring day off,” nagtatampong sabi ni Chard sa kabilang linya. Oo, dapat ngayon din ang day off ko pero hindi ko maiwanan si Jam dahil kung aalis ako ay wala man lang maiiwan sa kanya na mag-aalaga. Pinag-day off niya sila mayordoma maliban sa mga bodyguard niya. Kaya kami na lang ni Jam ang narito sa loob ng mansyon.
“Chard, pasensya na. Pero pangako sa susunod na day off ko, pwede na ako. Basta ite-text kita agad
