روح حمزة

الفصل الرابع

(فكيف تكون هذه والدة وهي دائما تحرض ابنتها علي الضلال، فالحقد والشر والغل قد سيطر عليهم، والطمع في الاموال جعلهم يتاجرون في اروح الغير بكل بساطة..)

كانت نسرين تنظر بخوف إلي والدتها وهي تمسك في يديها قفة ويبدو أن بها شئ خطير قامت نسرين بسرعه بغلق باب الغرفة وهي تتحدث بتوتر وخوف ملحوظ بشدة.

_اي اللي معاكي دا يا ماما انتي ناوية علي اي بالظبط، انتي كدا ممكن تودينا في داهيه، جايبة البتاع دا ليه.

_هي قرصة ودن صغيرة بس مش اكتر، ولو راحت ليها فهي نصيبها كدا، عايزاكي بس تخرجي حمزة من الاوضة.

_بس يا ماما دا تعبان يعني مش لعبة، احنا ممكن نروح في داهيه بسببه صدقيني، خلينا نشوف حاجه تانية.

_لا اسمعي انتي بس كلامي هت**بي والله، يلا شوفي هتخرجي حمزة من الاوضة ازاي، عايزة روح لوحدها في الاوضة خلينا نخلص بقي.

_طيب لاقيتها جهزي انتي نفسك، وانا هروح اخرج حمزة وربنا يسترها بجد.

حمزة كان يجلس علي السرير وهو يفكر في الذي يحدث معه منذ دخول روح إلي حياته كانت روح انتهت من الحمام الخاص بها ووقفت أمام المراءة وهي تحاول أن تقوم بتجفيف شعرها فجاه قرب حمزة عليها وحضنها من ضهره حتي اصبح لا يوجد فاصل بينهم شعرت روح بال**وف وأصبح وجهه شديد الاحمرار.

_حمزة انت بتعمل اي، وسع لو سمحت خليني انشف شعري عشان وهو كدا بيصدعني.

_لا مش هبعد انا مبسوط كدا، وهنشفلك شعرك بنفسي، تعالي اقعدي يلا.

جلست روح بالفعل وبداء حمزة بملمست شعرها وهو يجففه بهدواء وبعد أن انتهاء وضع الفوطة علي جانب وقرب بوجهه علي رقبتها وهو يتحدث بكل عشق وتوهان غير مبالي ب**وف هذه المسكينه.

_انا مش عارف انتي عملتي فيا اي، بس انا مبسوط بي وجودك اوي، ومش هسيبك تبعدي عني لحظه.

_حمزة بعد اذنك وسع بقي، كدا والله مينفعش، خليني اقوم انام انا تعبانه اوي.

_انتي ليه بتبعديني عنك يا روح، هو انتي مش عايزاني زي ما انا عايزاك، لسه حاسه انك مجبورة عليا، لو كدا اوعدك اني مش هقرب منك تاني.

_مش كدا يا حمزة، بس انا خايفه، لاني عارفه ان كل غرضك طفل وخلاص، وانا لسه مش مستعدة لكدا غصب عني.

_خلاص يا روح اوعدك مش هقرب منك تاني، ولما تبقي جاهزة انا موجود، بس هقولك حاجه اخيرة، اللي بينا مش هيكون الطفل وبس، خليكي عارفه كدا كويس.

كانت تشعر روح بألم مما سببته لحمزة ولكن ليس بيديها شئ وقبل أن تحاول تبرير موقفها والتحدث لانهاء الخلاف الناشئ بينهم قأم احد بطرق باب الغرفة تركني حمزة أبكي وذهب ليري من الطارق وكانت لا غيرها نعم هي نسرين.

_خير يا نسرين، عايزة اي دلوقتي انتي كمان، انا مش فايق ليكي، اتفضلي روحي اوضتك.

_عايزاك في كلمتين يا حمزة، مش هطول عليك، بس بعد اذنك تعال معايا، انا هستناك في الجنينه تحت.

لم تكون روح تريده أن يتركها ويذهب لزوجته الاولي وكانت تنتظر أن يرفض ولكن خأب املها بعد أن ذهبت نسرين وهو اقترب منها وهو يتحدث بكل حزن.

_نامي انتي يا روح لو عايزة، هنزل اشوف نسرين عايزة اي وهطلع علي طول، تصبحي علي خير.

لم ينتظر أجابتها وتركها وذهب خلف نسرين وهي شعرت بالذنب فهو يعاملها بمنتهي اللطف والحب وهي لا تعطيه أي شئ وأخذت قرارها بأن تأخذ الخطوة الاولي في حياتهم الزوجية ولا تترك حمزة يبتعد عنها، ثم توجهت إلي الدولاب الخاص بها واخذت بعض الملابس وذهبت إلي الحمام كي تستعد لزوجها.

عند رافان أستيقظت وهي تشعر بالتعب الشديد ولكن سرعان ما صرخت بخوف عندما رأت نفسها في بيت غريب ولا تتذكر ما حدث معاها.

_انا فين وبعمل اي هنا، يا اللي هنا حد يرد عليا، هو مفيش حد هنا ولا اي.

_اي يا بت مالك صوتك عالي كدا ليه، اهدي متخفيش انتي مش مخطوفة ولا حاجه، هتفضحيني اسكتي.

_انا بعمل اي هنا، وانت مين، اي اللي حصل انا مش فاكرة حاجه.

_انا اللي انقذتك امبارح من الشباب واسمي يوسف، وجبتك هنا عشان اغمي عليكي، اي كنت اسيبك في الشارع يعني.

_اكيد لا يعني، عمتا شكرا، بس انا لازم امشي دلوقتي، زمانهم في البيت قالبين الدنيا عليا.

_طيب قومي هوصلك بنفسي، مش هينفع اسيبك تمشي لوحدك في وقت متاخر زي دا، يلا اتفضلي.

_امال انت فين اهلك، شايفه البيت كله فاضي يعني، هو انت عايش لوحدك.

_ايوة عايش لوحدي، ويلا اتفضلي بقي خليني اخلص من الق*ف دا، كان مالي انا بالشغلانة الطين دي.

_انت بتقول اي جدع انت، محدش قالك تساعدني علي فكرة، ووسع كدا انا همشي لوحدي مش عايزة منك حاجه.

يوسف لم يقدر أن يتحمل هذه الفتاة التي تدعي رافان اكثر من ذلك وقام بأمساك ذراعها بشدة وهو يتحدث بعصبيه.

_انتي اتجننتي بتعلي صوتك علي مين يا بت انتي، انا ممكن احبسك هنا ومحدش يعرف يوصلك، احمدي ربنا اني لحقتك.

_اااه سيب ايدي يا حيوان انت، قال تحبسني قال، اوع كدا كتك الق*ف انا همشي لوحدي ومش عايزة اشوف وشك تاني.

وبعد أن استطاعت أن تلفت منه وحاولت أن تخرج من هذا البيت مانعها يوسف وهو يمسكها من ملابسها ولكن بدون قصد قأم بتمزيقها من علي ضهرها شهقت رافان بصدمه ثم صرخت بخوف تحت صدمت يوسف وهو يحاول تبرير ما حدث.

_انا مكنش قصدي والله، استني هجبلك جاكت من عندي، مش هينفع تمشي كدا.

لم تتحمل رافان ما حدث ولكنها تسرعت في رد فعلها وقامت بض*ب يوسف بالقلم وهي تبكي بشدة فهي اعتقدت انه مثل هؤلاء الشباب وكانت تشعر بالخوف منه ولكنها تظاهرت بالقوة امامه وهي تتحدث.

_انت حيوان كلكم زي بعض، انا مش عايزة منك حاجه، انسان مق*ف وحقير.

ولم تعطيه الفرصة وقامت بالركض من امامه، لم يقوم يوسف بأي رد فعل من الصدمه بأن تقوم فتاة بض*به بالقلم فهذه كبيرة بشدة عليه واصبح يكرهه هذه الفتاة ويتوعد لها بأخذ حقه وجعلها تندم علي ما فعلته.

عندما كانت روح تستعد في حمامها قأمت والدة نسرين بسرعة بفتح باب الغرفة بهدواء ووضعت التعبان بداخل الغرفة سريعاً وقفلت الباب بالمفتاح وفي لحظه كانت رجعت لغرفتها من تاني وهي تبتسم بشر علي خطتها، اما في الجنينه كان حمزة جالس مع نسرين وهو يتحدث بالغصب.

_عايزة اي يا نسرين اديني نزلت اهو، خير انا مش عايز اتكلم معاكي فعلا.

نسرين حاولت الاقتراب منه حته تحاول تحنين قلبه عليها قليلا ولكنها لا تعلم أن قلبه وعقله أصبح مع هذه الصغيرة التي تدعي روح فحاولت الحديث معه بحزن كي تأثر عليه.

_هو انت ليه بتبعد عني كدا يا حمزة، اي بجد مبقتش تحبني، نسيت نسرين حبيبتك، قلبم قدر يقسي عليا.

_دا كان اختيارك يا نسرين، متجيش تعتبي عليا دلوقتي، ومتمثليش انك بتحبيني، انا مجرد بنك لحضرتك وبس.

_انت ظالمني يا حمزة، انا بحبك ومحبتش في حياتي غيرك، ليه بقيت شايفني وحشه اوي كدا.

_من يوم ما روحتي نزلتي ابني يا نسرين، مت يوم ما قتلتي ابني بي ايدك عشان تحفظي علي جسمك، من يومها وانتي انتهيتي من جوايا.

_يا حمزة دي كانت غلطة، وندمت عليها والله، وبقيت مستعدة دلوقتي اخلف ليك، المهم انك ترجع لحضني من تاني، وتسيب البتاعة دي، دي مش مقامك يا حمزة.

_قصدك مش دي اللي اتجوزها عليكي، انا عارفك كويس يا نسرين، تعرفي لولا وعدي لامي الله يرحمها، كنت رميتك من حياتي من زمان.

_لدرجادي يا حمزة، لا يا حبيبي انت خايف تدفع المؤاخر بتاع نسرين هانم، وعموما هسيبك تتبسط معاها يومين، بس خليك عارف ان نهايتك عندي انا،

تركته نسرين وذهبت لغرفتها وهي تشعر بالغضب والعصبية مسيطرة عليها وكان حمزة يحاول أن يهدي نفسه قبل أن يرجع لصغيرته وفي النهاية استسلم وقرر أن يذهب لغرفته ويستريح قليلا لان الغد سيصبح يوم طويل بالنسباله.

كانت روح انتهت من استعدادها لزوجها وقامت بارتداء ملابس تكشف اكثر مما تغطي وكل ما كان يشغل تفكيرها، أن تثبت لزوجها أنها لا تخاف منه ولا تمانع في اتمام زواجهم.

بعد أن انتهت اقتربت من المراءة كي تضع بعض مساحيق التجميل كـ نوع من الزينه ولكن سرعان ما اتصدمت عندما رأت التعبان موضوع علي الارض وبيتحرك حواليها، لم تتحمل وصرخت بخوف وهي تنادي علي اسم حمزة.

_الحقني يا حمزة، يا ماما هموت، حمزة حمزة، انت فين حد يلحقني.

كان حمزة يصعد إلي الغرفة عندما سمع صوتها ركض بكل سرعتها وحاول فتح باب الغرفة ولكن لما يستطع، فقام بخبطه عدة مرات كي يقوم ب**ره حتي استطاع وعندما دخل رأي التعبان علي الارض وروح واقفه علي السرير بخوف وهي تصرخ بمنعه من الدخول.

_ابعد يا حمزة دا تعبان سام، اوع تقرب انا خايفه عليك، حاسب حاسب.

لكن حمزة لم يعيرها اهتمام وامسك بالبطانية التي اعطاها له الخادم وبقي يقرب من هذا الثعبان غير ابي بكلام روح وتحذيرها وقبل أن يقوم بالامسام به قأم الثعبان بقرص روخ من قدمها وهي صرخت بألم.

حمزة قأم سريعاً بمسكه ورميه من البلكونه الخاصة بالغرفة وبسرعة ركض ناحية صغيرته بخوف وقلق.

_روح انتي كويسه يا حبيبتي، افتحي عينيك يا روح متستسلميش، انا معاكي مش هسمح يجراءلك حاجه، افتحي عينيكي يا حبيبتي..

_حم، حمزة، انا، بحبك، بحبك اوي، يا حمزة.

ولكن لم تتحمل روح الالم وقامت باغلاق عينيها ولم تشعر بشئ خالص، قام حمزة بسرعه بحملها وذهب بها إلي المستشفي وهو يسوق بكل جنون وبمجرد وصوله دخل وهو يصرخ في كل الموجودين بخوف.

_دكتورة بسرعه، انتوا يا بهايم مراتي بتروح مني، عايز دكتورة بسرعه اتحركوا.

_بسرعه هاتوا النقاله، صوتك يا استاذ لو سمحت انت في مستشفي، سيبها احنا هنشوف شغلنا.

حمزة وضع روح علي النقالة ومسك الدكتور بغضب وخوف وهو يقوم بتهديده خوفاً علي حياة صغيرته.

_انا قولت دكتورة مش دكتور، انا عايز دكتورة فورا، مراتي لازم تبقي كويسه احسن ما اقفل ليكوا المستشفي دي خالص.

_حاضر يا افندم بس هدي نفسك، هخلي الدكتورة تيجي تشوفها حالا بس حضرتك اهدي، يلا بسرعه دخلوها اوضة الكشف.

دخل الدكتور بي روح غرفة الكشف وبداء الكشف وحمزة بالخارج لم يجلس لحظه واصبح علي أعصابه ثم جلس بتعب ووضع يده علي رأسه وهو يتحدث بداخله بخوف.

_يارب انا معرفش انت حطيتها في طريقي ليه، بس هي بقيت غالية اوي عليا، ومبقتش اقدر اعيش من غيرها، متزعلنيش فيها يارب.

في منزل والدة روح بعد أن انتهت من اعداد الطعام ووضعته علي الترابيزة.

_يلا يا سيد الاكل خلص، خلي مراتك وبنتك يجوا يطفحوا، اقصد ياكلوا.

خرجت شهد بكل غرور وهي تنظر إليها بق*ف وتحاول أن تقوم اذلالها بي اي شكل.

_بقولك اي يا ولية انتي، احترامي نفسك عشان انا زعلي وحش، انتي متعرفنيش والله، هلبسك الاكل دا كله في وشك.

_انتي امك شكلها معرفتش تربيكي يا شهد، بس عادي، انا ممكن اربيكي زي ما ربيت روح بنتي ربنا يحفظها.

_تصدقي فكرتيني بروح، انا لازم اروح اعملها زيارة كدا، نشوف الهانم عايشه ازاي، واخد من الحب جانب.

_لو فكرتي تقربي من بنتي هتشوفي مني وش تاني خالص يا شهد، كله الا بنتي انتي فاهمه.

خرجت حنان والدة شهد وهي الغضب مسيطر عليها واقتربت بشر من والدة روح وهي تشعر بالصداع من صواتهم العالي.

_في اي انتي وهي، وبعدين انتي ازاي تكلمي بنتي كدا، اوعي تنسي انك خدامه هنا، ياريت تحترمي نفسك وتتكلمي باداب.

_كله الا بنتي يا حنان، خلي بنتك ملهاش دعوة بيها، عشان ساعتها هيبقي عليا وعلي اعدائي، انا حظرتك اهو.

_ماشي يا مرات ابويا، هسمع كلامك المرادي بس، عدي الجمايل بقي، يلا يا امي ناكل بابا نايم ومش هيقوم دلوقتي.

لم تشعر والدة روح بالاطمئنان لكلام شهد واصبحت تتحدث في داخلها بخوف.

_انتي اللي هتبقي جبتيه لنفسك يا شهد، انا صابرة وساكته لانكم بعيد عن بنتي، لكن ايثي فكري تقربي منها، ساعتها هاكلك بسناني.

رجعت رافان منزلها وهي تشعر بالخوف من زوجة ابيها وسرعاً ما وضعت قدمها داخل المنزل كأن عريس اختها مازال موجود هو ووالدته واول ما راوها بهذا المنظر صرخت أم العريس بصدمة.

_بسم الله الرحمن الرحيم، مين دي يا ام لامار، انا اول مره اشوفها، اوعي تقولي انها اخت العروسة، او قريبتكم.

نظرت زوجة ابي رافان بق*ف وهي تتواعد لها بداخلها.

_دي بنت مرات جوزي، امها ماتت وانا بعطف عليها، اي يا بت اللي مرجعك متاخر كدا واي قطع هدومك بالشكل دا.

_مفيش يا مرات ابويا، انا اسفه هدخل اوضتي علي طول، خليكي انتي مع ضيوفك واسفه علي التاخير عن اذنكم.

ولكن والدة العريس رفضت ذاهبها بهذه السهولة فهي من الاساس تريد خراب هذه الخطبة.

_استني بس راحه فين، كلنا عايزين نعرف اي حصل معاكي، احكيلنا يا حبيبتي حصل اي.

_محصلش حاجه انا كويسه، دي ناس حاول تتعرض ليا في الشارع، بس انا هربت منهم الحمدالله، عن اذنكم لاني تعبانه.

ركضت رافان إلي غرفتها بخوف من اللي هيحصل فيها من زوجة ابيها التي لا تضيع فرصة كي تقوم بض*بها او ذلها واهانتها.

_طب هنمشي احنا بقي يا ام لامار، ويومين وهيوصلك ردنا ان شاء الله، قوم يا واد يلا.

وبعد ذهاب العريس وامه تحدثت لامار بغضب مما سار معاها.

_عجبك اللي بنت جوزك عملته، اهي طفشت العريس برضو، انا تعبت من الق*ف دا، مترميها في الشارع بقي وخلصينا منها.

كانت رافان تقوم بتغيير ملابسها ولكن دخلت عليها زوجة ابيه بكل شر وغضب.

_انتي مفيش فايدة فيكي، وانا جبت اخري منك خلاص يا رافان، امشي قدامي انتي مبقاش ليكي عيش هنا تاني.

_انتي بتقولي اي يا مرات ابويا، هروح فين حرام عليكي، انا مليش حد غيركم، انا اسفه والله مش هخرج من البيت تاني.

_خلاص خلصت انتي مش هتقعدي هنا لحظه واحده تاني، انا تعبت منك خلاص، غوري في داهيه بعيد عن حياتنا بقي..

وبكل قسوة قامت بي رميها في الخارج ورافان تبكي بشدو وتقوم بالطرق علي الباب.

_طب سبيني اخد هدومي، همشي ازاي وهدومي متقطعه كدا، افتحي ابوس ايدك، اديني حاجه استر بيها نفسي.

ولكن لم يقوم احد بالرد عليها وبقيت تغطي نفسها بايديها وهي تتحرك بخوف في الشارع وبتبكي علي ما حدث لها حته شعرت بالتعب وجلست علي الارض وجلست جانبها سيدة كبيرة في العمر.

_مالك يا بنتي قاعده كدا ليه، وبتعيطي ليه ومين قطع هدومك كدا، مينفعش قعدتك كدا يا بنتي الناس مش هتسيبك في حالك.

_انا مليش مكان اروحه يا امي، انا تعبت ياريت اموت وارتاح، معرفش ليه امي ماتت وسابتني في العذاب دا لوحدي يارب بقي.

_اهدي يا بنتي مينفعش اللي بتقوليه دا، استغفري ربك وقولي الحمدالله، قومي يلا تعالي معايا يا حبيبتي.

_اجي معاكي فين، انا معرفكيش عشان امشي معاكي، واسفه ضيعت وقتك شكرا لاهتمامك.

_قومي يا بنتي انا زي امك، ومتخفيش انتي هتيجي بيتي انا عايشه لوحدي، بدل بهدلتك في الشارع بلبسك المقطع دا، هتقابلي اشكال زبالة كتير وانتي شكلك بنت ناس.

ولكن لم يكن عند رافان حل أخر ووافقت وذهبت مع هذه السيدة خوفاً من أن تقابل حد تاني يحاول أن يعتدي عليها في هذا الوقت المتاخر.

في المستشفي مر وقت كبير وحمزة يشعر بانه سوف يجن من الخوف علي صغيرته حته خرج الدكتور من غرفتها فركض عليه حمزة بخوف وقلق.

_طمنيني يا دكتورة، روح عامله اي دلوقتي، هي كويسه مش كدا، ردي عليا ساكته ليه.

_الحمدالله هي كويسه، السم كان قوي اوي، بس الحمدالله لحقنه انت جبتها في الوقت المناسب، بس البنت ضعيفه جدا ومحتاجه راعاية واهتمام، ويستحسن تخليها تغير جو.

_شكرا يا دكتورة، واسف علي اللي عملته اكيد انتي عذراني، ممكن ادخل اطمن عليها لو سمحتي.

_اكيد تقدر يا استاذ، بس بلاش اي ضغط وزي ما قولتلك، حاول تغير جو بيها، والفترة دي تاكل اكل صحي كتير وبالذات اللبن.

وتم نقل روح إلي غرفة عادية ودخل حمزة جلس بجانبها وهو يمسك يديها بخوف.

_مكنتش اعرف انك هتبقي غالية عندي اوي كدا يا روح، من ساعة ما امي اتوفيت وابني كمان وانا عمري ما خوفت علي حد، وجيتي انتي شقلبتي حياتي.

فتحت روح عينيها بالعافية وهي تنظر له بكل حب وتعب.

_يعني لو كان حصلي حاجه كنت هتزعل عليا يا حمزة بجد، مكنتش اعرف اني هفرق معاك بجد.

_حته وانتي تعبانه بتقولي كلام زي السم، بس مش مشكلة المهم انك بخير، يلا شدي حيالك بقي عشان ليكي عندي مفاجاه حلوة هتعجبك.

_مفاجاه اي يا حمزة، وبعدين هو التعبان دخل اوضتي ازاي، هو انتوا بترابوا تعابين في الفيلا بجد ولا اي.

_اكيد لا طبعا يا حبيبتي، بس متشغليش بالك انتي، اهم حاجه انك بخير، هسيبك ترتاحي شوية لحد ما اروح مشوار وارجع.

_انت هتمشي وتسبني لوحدي يا حمزة، لا والنبي خليك معايا، انا مش بحب المستشفيات.

_انا عمري ما اقدر اسيبك لوحدك، هروح بس مشوار صغير وهرجع علي طول، وبعدين مش انتي كبيرة خايفه من اي بقي، نامي شوية يلا لحد ما ارجعلك.

_حاضر بس بجد متتاخرش، وانا مستنياك لو اتاخرت هزعل منك اوي وهخا**ك.

ضحك حمزة علي صغيرته وباس راسها وتركها وذهب وهي شعرت بالتعب ولم تشعر بنفسها وذهبت في نوم عميق وهي تحمد ربها أنه رزقها بشخص مثل هذا الحمزة.

في المنزا نسرين كانت رايحه جاية بخوف من اكتشاف حمزة لما حدث، فعندها حمزة لن يرحمها ولا هي ولا والدتها، حتي فاقت علي صوت والدتها وهي تتحدث بعصبية.

_اتهدي يا بت بقي في اي، دوختيني معاكي، اقعدي بقي اي اللي حصل لكل دا يعني.

_البت شكلها ماتت يا ماما، حمزة لو عرف هيقتلنا فيها انتي متعرفهوش، انا اي خلاني اسمع كلامك بس، اديني هروح في داهيه بسبب تفكيرك.

ولكن فجاه دخل حمزة وهو الغضب مسيطر عليه وعيونه الشر يخرج منها من كتر خوف علي صغيرته.

_بقي انا متجوز مجرمه، انتي ازاي تعملي كدا يا نسرين، ابني ومرضتش احبسك فيها، تروحي كمان تحاولي تقتلي مراتي، انتي اي يا شيخه، جايبة الجبروت دا كله منين.

_انت بتقول اي يا حمزة، انا مش فاهمه انت بتتكلم عن اي، قتل اي وبت مين، انا مليش علاقة باللي حصل لروح، انا مش مجرمه.

_انتي، دا انتي تعبانه يا نسرين، بس الغلط مش عليكي، الغلط علي اللي خلاكي كل دا علي ذمته، بس ملحوقة يا حبيبتي.

_ابوس ايدك يا حمزة متقولهاش، انا معملتش حاجه والله، ابوس ايدك متعملش فيا كدا.

_انا عشان مش متاكد هسكت يا نسرين، بس اعملي حسابك ان دي اخر فرصة ليكي، لو حصل اي حاجه تاني صدقيني مش هيكفيني موتك.

_حاضر والله حاضر، اهم حاجه انك متبعدش عني يا حبيبي، واللي انت عايزوا هيحصل.

_خفي صرف فلوس شوية يا نسرين، عشان انتي بقيتي اوفر اوي، اتعلمي تحافظي علي الجنيه اللي جوزك بيجيبه يا بنت الناس.

وبعد ان انتهاء ذهب إلي غرفته هو وصغيرته واخذ كل الذي يحتاجه منها وخرج من المنزل كله تاركاً الشياطين مع بعضهم، نسرين كانت تنظر لوالدتها بخوف.

_الحمدالله عديت علي خير، ياريت يا امي تفكري في الحاجه كويس اوي قبل ما تعمليها، مش عايزة اخسر حمزة بجد.

تركت نسرين امها وذهبت لغرفتها كي تستريح قليلا مما حدث. ، حمزة وصل المستشفي واول ما دخل غرفة صغيرته اتصدم،

ياتري اي صدم حمزة، واي المفاجاة اللي عملها لروح، وشهد دي ناوية علي اي، ونسرين هتعامر مع حمزة ولا هيطلقها، ومين الست اللي اخدت رافان واي هيحصل معاها، ويوسف هيعمل اي مع رافان وحقه هياخده ازاي، احداث كتير جاية، انتظرونا..