"IKAW na muna ang bahala kay Calista, maliligo lang ako at pagkatapos ay babalikan ko siya," ani Charity kay Sharlot habang palabas sa pintuan ng silid ni Calista. Mas nauna si Calista sa mansion ni Cameron dahil kinuha ito ni Gab noong nasa yatch party pa lamang sila ni Cameron. Talagang sabik na sabik ang dalaga sa unang pamangkin nito.
"Sige," nakangiting sagot naman ni Sharlot habang nagliligpit sa silid ng bata.
Lumabas na siya sa silid. Ginabi sila ng uwi ni Cameron galing sa mansion ni Senior Silveatre. Si Cameron ay kasalukuyang naliligo sa sarili nitong silid matapos ang halos kalahating oras na pakikipaglaro kay Calista kanina.
Nasalubong niya sa hallway si Gab at pababa ito sa living room, may mga bitbit na libro na babasahin nito bilang pampalipas oras. Nang makita siya nit
