NAKIKIRAMDAMAN ang lahat habang kumakain, boses ng inosenteng si Calista lamang ang naririnig dahil marami itong kinukwento sa kanila. Si Cameron ay tahimik at seryosong kumakain, si Charity ay abala sa pag-iisip kung sasabihin na ba ang lahat kay Cameron o hindi pa, si Madam Ada na halo-halong emosyon anh nadarama nang mga sandaling iyon, si Sharlot na naghihintay lamang sa mga susunod na mangyayari at si Stefano na ang pansin ay sa kinakain lamang at gaya ni Cameron, seryoso at tahimik lamang din ito.
"Mamita, hindi po ba anak mo rin si daddy?"
Lahat sila ay natigil sa pagsubo at napatingin kay Calista na inosenteng nagtanong lamang kay Madam Ada.
"Calista..." Saway niya sa anak.
Tumingin si Calista kay Charity. "Hindi ba, mommy? I heard you and mamita talking about it," pilit pa ri
