MAY naglalakad sa kabahayan, sa isip ni Hannah. Sumikdo ang dibdib niya. Maingat na inilapag niya ang hawak na baso sa lababo, iniiwasang makalikha ng ingay. Kinakabahan at nangangalinsag ang mga balahibong maingat na nagtago siya sa gilid ng pinto ng kusina.
Natakot siya, ngunit dala ng kuryusidad kaya gusto niyang malaman kung tama ba ang pakiramdam niya na may tao sa sala. Napasapo siya sa tapat ng kanyang dibdib nang may maaninag siyang anino at natitiyak na isa itong lalaki.
A-anong gagawin ko? Ayoko pang mamatay! hiyaw ng isang bahagi ng utak niya. Nadagdagan ang takot niya nang makarinig siya ng mabibigat na yabag patungo sa kusina.
"Duwayne!" sigaw ni Hannah. Mabilis siyang lumabas sa pinagtataguan. Walang lingon-likod na kumaripas siya ng takbo palabas ng kusina. "Tulong!"
Ngu
