Drizella Genet’s POV
“May gagawin na ba kayo sa talent portion?”
Napalingon kaming lahat kay Miyake na kakatapos lang mag-ayos. Talent portion ang laman ng usapan ngayon sa back stage. Sa mismong laban na kasi ito ipapakita at hindi pwedeng ilabas sa practice ng pangkalahatan.
“Oo,” sagot ng isang kandidata.
Napatingin na lang muli ako sa harapan ng salamin dito sa vanity ko. Maayos naman na ang talent na ipapakita ko pati ang costume na gagamitin ko. Pinatahi pa ni Mommy ‘yon para sa akin.
“Mauna na ako, guys!” narinig kong pagpapaalam ni Miyake.
Nilingon ko siya at nginitian. Tumango naman siya sa akin at naglakad na palabas. Napatingin ako sa relong pambisig ko. Mag-aalasingko na rin. Kailangan ko nang makauwi para makita si Deena na naiwan sa mga magulang ko.
Tumayo ako sa sily
