رشفة عشق

#رِشفة_عشق الكاتبه _ العبـاديه مشاهد طويـله من القصه وصلنا للامام الحُـسين (ع) تكحلت عيوني بشوفة القبه الذهبيه والمنارات الشاهقه سرت بجسمي رعشه وشعر جسمي كزبر من براعة المنظر . الزوار المحتشده من جميع انحاء العالم صغير وكبير كلهه جايه مشي للامام (ع) كل شخص مقتصد شغله بباله عيوني رقرقت بالدموع وراسي بقى مرفوع من گد ما صفنت ع الضريح .ول**ني يلهج بعبارة (السلامُ عليكَ يـاأبـا عَـبدِ الله) كل مانتقرب من الضريح يزيد الازدحام ويزيد المدافر مال الزوار علمود يوصلون للأمام .وهمَ محملين بالهموم نيتهم يفرغوهه يم إمامهم .. دخلنا بالصحن لفحت بوجهي ريحة المسك والبخورات والمراوح بهواها الطيار ترش معطر شعور يزيد الراحه بقيت استنشق بالريحه عبت روحي وترست انفاسي تخبل اموت عليهه تقدمنا لـباب الضريح نريد ندخل نزور ونذب العلگ بالشباك وچان تجي مريه تشهگ وتبچي وعيونهه مركزه ع الباب مال الامام ماتشوف احد گدامهه اني صفنت بيهه واباوع عليهه صرت بطريقهه وهيه دفعتني بقوه وگعتني بمكاني وراحت تركض للإمام .. احس إيدي انخلعت بقت عيوني تصب .. أُمي صاحت عليهه - شسالفه زايره ماشفتي البنيه من دفعتيهه هو اليريد يزور هيج يسوي؟! هيه كملت طريقهه ولا التفتت على كلام أُمي وركضت تدفع بأي شخص يطلع بطريقها !! اني گمت على حيلي بعدما عباتي تّـلفت تراب وشالي تخربط . بقيت انكث بعباتي وعدلت شالي .. - يلا ماما خل نروح نزور - ماكو مجال . خل نقره الزياره ونرجع منا تشوفين الامه مگلوبه كلهه تريد تزور ومحد ينطي مجال ! مباشرةً دموعي صبت -انتي مو وعدتيني السنه ادخل اشوف شباك الامام (ع) بحياتي ماداخله لجوه كل سنه من برى نزور ! - عبالج تگدرين تدخلين ؟ يكتلنج بمكانج والله .. احسن شي نروح نتصل بخالتج ونشوفهم وين گعدوا لان لو تبقين للصبح متگدرين تزورين مايخلنج برطمت بشفتي وعيوني انترست دموع كل سنه نجي مشايه من النجف لـكربلاء قاطعين كيلوات المترات وتالي مانزور بس نگعد بالصحن نقرأ الزياره ونرجع ! وكل سنه الوعد يتكرر مال ادخلج لجوه تشوفين ضريح الامام وماكو ! بحياتي مشايفه حضرة الامام من الداخل واتمنى اشوفهه .. بس الأمام علي (ع) شايفته من چنت صغيره قبل لايبنوه والمنظر لهسه يدور ببالي وريحة الضريح مطبوعه بخشمي .. قرينا الزياره .. اني اول وحده خلصت . صفنت ع القبه وحطيت إيدي على خدي وأگول هسه شيصير لو ادخل لجوه واشوف المنظر واجرب شعور رجفة الخشوع ؟ گعدت من صفنتي على إيد الإيراني يأشر على وجهي (خانم خانم) ويأشرلي بأيده على التربه عود تريديها ؟ اني اشرتله براسي إشارة قبول وأخذت التربه صليت ركعتين لوجـه الله وللأمام وبقيت أنتظر أُمي وأخواتي يخلصن زياره وصلاه .. خلصن وطلعنا نشتري صوغات .. يشترن وينطني أشيل عبالك بدي كارد العلاليگ بلشن يثگلن واني حيلي مهدود من المشي وجسمي نحلان بقيت اتولول اريد وحده تساعدني بالعلاليگ - هسه اني شعليه منطيني العلاليگ خلي سحر تشيلهن اني شيهمني يربي أمي صاحت عليه - ماتشوفيهه شايله الجنطه بيهه غراضج كلهه - وينهه غراضي اصلاً اني مااجيب هواي غراض بس مشط وعطر وجواريب الاحتياط وكاستين مي وفرشة أسنان التفتتلي سحر - لا والله ماگايله شيء .. تريدين هسه افرغلچياهن بالشارع وتشيليهن وشوفي شلون خفيفه الجنطه - خب دروحي أصلا هنَ مايأثرن كلهن خفاف - هاچ الجنطه وانطيني العلاليگ أخذت الجنطه شثگلاتهه إيدي ان**رت من أول ماشلتهه تحسفت ع العلاليگ طلعت حجه - لا بله واني اشيلهه وانتي غراضج متروسه بيهه خب شو دروحي طلعي غراضج يلا اشيلهه شمرتهه عليهه ورجعت ع العلاليگ احسللي .. گالت حوراء (ماما اريد سوار الي ولصديقتي صوغه ) گالتلهه أُمي (مناك اشتري هنا غالي يستغلون الفرصه لان زياره ) - لا اريده من كربلاء گتلهه ازوره الج - هسه احنه زرنه وانتي خفتي لاتجذبين ع البت مازرنه تره - ميخالف المهم تريده من كربلاء راح اشوف ذني عاملت عليهن طلع الواحد ب3 ألف وهنَ يمنه يبيعوهن بألف گالتلهه (ماتشترين امشي امشي مستغلين الفرصه الالفين يفيدنج اجيبلج بيهن بعد سوارين) مشت مسافه طويله بس شكلهه معفوس ماراضيه وكامت تبجي بالشارع أُمي غمتهه وگالتلهه(صدگ زعطوطه لو شماتكبرين تضلين زعطوطه ) -هسه فلوسي وحره بيهن اريد اشتري ب3، الآف ليش ماتخليني ماعليه هسه نرجع اني طفرت - شنو شنو شنو ؟ نرجع ؟ والله فلا ارجع صارلجن ساعه تمشن وتريدن ترجعن ؟ وبعد وراجن ذولاك المنتظرينجن مدري وين واحنه نسوان وحدنه .. سحر هم گالت (مانرجع اكو هسه يلاگنّه هواي يبيعون) بقينه نمشي على جهة المحلات وعيوننه ع البسطيات بلكي السوار التريده . مشينه مسافه ولمحَته گالت ذاك السوار بذيج البسطيه خل نرجع نشتريه اني عصبت گتلهه (ماارجع والله رجليه ت**رن من الصبح مامستراحه ولامتريگه ولامتغديه وراح اموت فوتي اشتري وحدج احسللج ) راحن كلهن وخلني وحدي ! لزمت عباتي بيدي شلتهه عن الماي بالگاع توهم غاسلين ووگفت مقابيل محل ماشفته ماليش . شكلي معصب ومخنزره ميته تعب ومحد يحس بيه لابسه نظاراتي وعاگده حواجبي عليهن ازأر مثل الاسد بس وحده تحاچيني اگب بوجهه مللنّي من الصبح لهسه الطلبات ماانتهت ومامشينه من وراهن ركبنا بسياره مسافة 100 عمود حرامات . عطت بيهن .. يلا ماطلع سوار . هديت العبايه وگعت بالگاع ورفعت إيدي على عيوني رفعت نظارتي وفركت عيوني احس نفسي راح اغفى من النعاس ومسحت نظارتي من التراب مال جو النجف تفاجئت من إجينه صافيه بكربلاء وبالنجف ترابه هنَ مااهتمن لحچيي ..وبقن يگلبن بالاسوارات بطرف عيني احس شخص يباوعلي مااهتميت بس بعدين حسيت النظرات كلهه صارت عليه هم مااهتميت لما صاحتني سحر التفتت كل وجهي اريد اشوفهه شتريد وچان اشوف المحل الواگفه مقابيله ! محل حلاقه رجالي !!! يبوووو ولاانتبهت فوگاهه من التفتت كلهه تباع عليه عزا والنوب اني شكلي ميساعد ابد عباتي متربه من الفجر غسلتهه إلي البنيه بالبيت مال المعزبين ماقبلت اغسلهه ومافاركتهه زين بس حاطتهه بالغساله واني عباتي اله فرك يلا يطلع وجهه وشالي صاير عباره عن تراب حتى نظارتي متربه من العواصف الهبت واحنه بنهاية النجف اما حذائي صاير لون حليبي من التراب والطين من يغلسون الگاع .. بعدما جان ابيض يلمع لا وفوگاها اليباوع عليه شنو شكله يبوو فد صاك كلش ماركزت بيه بس لمحته من التفت لان چان واگف يحلّق وعينه عليه ف من التفتت شفته الشعر أشگر ذهبي ورافعه لفوگ وخصله رقيقه وضعيفه متطفله على گصته .. والجسم اويلي يابه متت لامعضل حيل ولاضعيف حيل بس جسمه حلووو مااعرف شأوصفه بس صفنني .. واللحيه خفيفه وشگره والحواجب والعيون يخبلن خزرته تكتل بس چان صافن عليه بقيت اتفحص بنفسي معقوله حلوه لدرجة هذا الصاك اليكتل يباوع عليه ؟ حتى شككني بنفسي إجتي سحر وگفت يمي وشافته وهيه تخبلت - اگول يلا واگفه هنا مطنگره أثاري المحل متروس صكوك - خب شو دروحي عني أصلاً ولا منتبهه والله - مبين هههه خزرتهه ورحت أمشي گدامهن ادور على شيء اريد اشتريه ماعجبني اي شي .. تقدمنه نعامل على الشغلات وچان واحد يبيع نعل (تكرمون) لطش لحوراء لطش الا تشترين نعال هههههه متنه ضحك عليهه وهيه كلساع تغم بروحهه - هو هذا مستواج ويه ابو النعل - صحيح يبيع نعل بس حلو هـه وكتل نفسه عليه هزيت إيدي - باع القشمر حبابه يريد يمشي النعال براسج هه كتل نفسه عليهه والله يالله - المهم تلوگلّي لو لا ؟ - نننن دولي يلا طلعنا من شارع الأمام لشارع ثاني مااعرف منين دخلنا ومنين طلعنا بس چنا مانندل اي شيء نمشي ويه الزوار . خابرنه خالتي گالت إحنه يم المحكمه مقابيل الفندق وسدته يافندق مانعرف ! من الصبح واحنه نتصل بيهم وماكو شبكه هسه من حصلناهم سدته مدري هو انسد خالتي سمينه حيل وماتگدر تمشي مانعرف شلون تورطنه وجبناهه بس چانت مجبوره تجي ويانه لان چانت بوقتهه گاعده عدنه ولازم تجي ويانه لان البيت يفرغ كلنه رحنه للزياره ف إجت ويانه هيه وابنهه الوحيد (عباس) وابن خالتي الثاني (صفاء) بنص الطريق وچان يبنچرون ههههه گالت هذا حدي صعدوا من الصبح الساعه بـ7 من عمود 1000 وهمَ صارلهم بس يومين يمشون .كل سنه احنه نسوي الطريق يومين من النجف لكربلاء لان نمشي ركض والسنه رادوا يصعدون وياهم اني مقبلت گلتلهم نبقى مثل عاداتنه نوصل مشي ومانصعد خليناهم يصعدون واستمرينه نمشي . الوقت تأخر عليهم انتظرونا هواي ف صعدنا 100 عمود لكربلاء بس شنو الستوته تمشي بينه واني ابچي لان احب اكمل الطريق كله مشي مااحب اصعد بعدين الستوته انشالت وانرگعت بالگاع واشوفهن ميتات ضحك ضحكت وياهن شويه راحت الضوجه لان صدگ منظر يضحك بمحافظتنه مااصعد ستوته لو الامه تنگلب هسه گاعده ومرتاحه بالستوته وفوگاهه بقيت أضحك على نفسي وعلى حالي ههههههي هههههي ............................ وصلنا لشارع مااعرف شإسمه بس نمشي مانعرف وين رايحين رجلينه صارت خيوط ومامندلين شي محافظه غريبه علينه واحنه نسوان صحت لاأمي - هذا شرطي اسأليه رجليه ت**رت - ع الاساس تحبين المشي والركض ماخليتينه نصعد ويه الوادم الله يعثرج كون - هسه بيش طالبتني تدعين عليه دسئلي وشوفي وين يوصل راح اتخبل والله راحت سألته ع الجسر مال الشهداء مدري جسر السريع حتى اسم الجسر ماحافظينه الشرطي تخبل هههه خبلناه نگله يم المحكمه ومقابيل الفندق وجوه الجسر وهوَ لو ما زايرات چان حط طلق بروسنا . آخر شيء گال اتصلو بيهم شوفوهم وين اتصلت أًمي وحصلتهم گالولهه احنه گاعدين مقابيل المحكمه كلشش . الشرطي هز ايده گال شجاب المحكمه ع الجسر مادري ؟ وصف الطريق اليروح للمحكمه واندلته أُمي اني سألته - شگد الطريق منا للمحكمه - فد نص ساعه إحنه كلنه صحنا ..ييييييييععععع .. الرجال تفاجأ وضل صافن بوجوهنا اني تولولت - مابيه حيل راح اموتت خلينه نرجع وحدنه فدوه اروحلج - دفوتي لااطلع قهري بيج لو ماانتي چان هسه اجنه وياهم - يعني همَ صعدو من عمود 1000 تدرين مامحسوب زياره لان هاي مسافه قليله - مو هيَ بكيف حضرت جنابچ ال**يف هزيتلهه حواجبي ورفعت متوني بثقه - اكيد - حبابه هيَ بس النيه كلش كافي يتجسل حسنه وكل خطوه بألف حسنه يالفهيمه - والله عاد عقلي يگلي اذا منكمل المسافه متنحسب زياره - هذا الوقت التلغين بيه فوتي امشي بيه للمحكمه - يووووووو بقينه نمشي ونسحل برواحنه ويه العلاليگ والازدحامات رجليه موتوني بقيت ابچي من الألم مامستراحين من الصبح جبناهه ركض علمود نوصل لكربلاء ومن وصلنه ولاگعدنه علمود نلحگ نوصلهم قبل المغرب ! مشينا ومشينا ومشينا ومشينا ..... وأخيراً وصلنه عرفتهم من عنده چان گاعد ومتچي إيديه على رجليه ومنزل راسه بين إيديه ومركز بالگاع وينافخ صعب الانتظار وهوَ يتخبل من الانتظار أول ماشافنه رفع راسه التقت عيوني بعيونه الخضر باين بيهن التعب والنعاس وشعره مبعثر إجه يركض علينه - اي ديلا فضوها منتظرين من الساعه بالـ10 امي جاوبته - چا غير انتم بسياره وصعدتوا من الـ7 - اي ازدحامات بقينه گاعدين بالسياره وعاد اني شلون احب الانتظار التفت عليه وض*بني على متني بخفه - كله من وراچ لو صاعدين ويانه - انتم والله مابيكم خير اني بيه خير رفع حاجبه وخزرني - شنو قصدج؟ - قصدي انتم زلم مادبرتوهه تمشون واحنه نسوان وسوينه الألف عمود بيوم واحد گالتله سحر - لتچذب عليك تره حوسمنّه (صعدنه بسياره) التفت عليه مستهزأ - هـه خوش بيچ خير تمشين اني جاوبته بنتر وعصبيه - هنَ 100 عمود وبستوته هم لو بسياره مثلكم شسويت خزر عيونه وعگد حاجبه متفاجأ - بستوته !!!!؟؟ - اي والله تالي وكت أصعد ستوته واني البيكم ماصاعدتهه - وصعدتي بالستوته مقابيل العالم ؟ جاوبته بتفاخر اقلد المصريين - ايوا - غطيتي وجهج بالعبايه لو لا؟ - ياا عليمن اغطي وجهي اصلاً مطلعته وشابعين ضحك من رگع الستوته انتَ شايف من تطير بيك تحس نفسك محلق بالسما هههههههههههه تقرب يمي وشلع زندي بگرصه يمكن ايدي جرت دم ! حچى من بين سنونه وضاغط عليهن - ضحكتج واعلمج شلون بعد تركبين ستوته انه إلچ - خب دوخر عني والله بطران هالله تَگلّي هسه ببطني ميته جوع لاغدا ولاريوگ - روحي فتحي ذيج العلاگه تلگين بيهه أكل مساع تغدينه وذكرتج ام بطن وضميتلج طبطبت على أكتافه - عفيه ترباتي ضحك بصوت رجولي ومشينه لمكانهم الگاعدين بيه كلش بباب المحكمه والشرطه فوگ منهم وخالتي گاعده تدگ سوالف ويه الشرطي تشكيله هموم الحياة ههههههه بس خطيه **ر خاطري ولد صغيرون ضايع من أهله گاعد يمهم . وعباس مگا**ه وگاعد يستفسر منه .. اهله وين ومعلوماته خطيه أهله بالشطره يم الساده آل سيد أحمّد أهله يكتلون عرابيد مدري حيايه ويسولفلنه واحنه بس مركزين بسوالفه من سوالف الكبار يخبل حچيه مسطر تسطر طلعت الاكل المخلي صفاء وانطيته اله هوَ خطيه ضل ياكل بشراهه جوعان حبيبي **ر خاطري مااحس الا ض*به بخاصرتي باوعت لگيته صفاء - خب شبيييييك همسلي - مو مخليه الچ الغدا شلون تنطيه اله ؟؟ - خطيه ماتشوفه جوعان - ماگلتيلي اني اشتريله وانتي اكلتي هذا خ**ت عين وفتحت الثانيه على وسعها ورفعت حاجبي متوقعه - ولك خاف مخليلي سحر بالاكل ضَحكَ ضحكه لم يضحكها الضاحكون من قبل - اي ميت عليج واخليلچ سحر دضلي بجوعتج - هسه صفاوي الحباب القرده ااآآا قصد الورده يجيبلي غدا فتح عيونه متفاجئ هههه - هاا ؟ مادام گلتي قرده مااجيبلج - مو وياك شبيك - مااريد گلتي عليه قرد ؟ لج اني قرد ؟ اني اعلمج الا مااشتريلج غدا - اصلا مااريد غداك على گولة ابو المثل (جنةٌ بها منّـةٌ لاأُريدها ) - بعد احسن فليساتي بجيبي وانتي معدتج ببطنج خزرته ودرت وجهي تخبل الحقير چان مايزعلني اليوم متسودن بقيت أهز برجلي افكر شلون اجيب غدا صحت لعباس ووگفت - ابو **اخ گوم وياي خل اروح اشتري غدا من هذا الفندق هو چان يگلب بموبايله اول مانطقت جملتي رفع راسه بسرعه وخزرني من الطول للطول واني واگفه ومتخوصره عباس - مااروح اني انتي روحي شعليه بيج - ديلا ع الاساس اني ميته عليك هسه اروح وحدي - هسه تتيهين وافتك منج -طووون تقدمت خطوتين ومااحس الا ايدي انسحبت وانرطمت بص*ره بقوه التفتت غاضبه أشرلي بحواجبه ع المكان الچنت گاعده بيه - فوتي گعدي بقيت ألوي بإيدي المقوي قبضته عليهه اريد احرر إيدي منه - وخر عني شبيك صفاء تخبلت حچى وهوَ (يضغط) ع مخرج الحروف - اررررررججعييي گعدت بمكاني واباوعله ابتسامة نصر اعرف شلون انتصر عليه خليته راح وشفت بيض اللقلق من هذا الازرگ اموت عليه إجه ولد صغير يبيع بيه صحتله ماسمعني گمت عبرت الشارع ورحت أشتري گلت خل استغل الفرصه مادام السجّان ماموجود اشتريت والتفتت اريد اعبر وشفته واگفلي بالسايد المقابل بلعت ريگي وعبرت عيونه الخضره متلونه بنار الغضب ويخزر بيه وصلت يمه سويت نفسي مااعرفه وتعديته رجعت لمكاني وهوَ بقى واگف گعدت بمكاني كأنما ممسويه شي بس تفاجئت بمكاني الاكل مفروش والريحه تعط تخلخلت بأنفاسي صارلي شگد ماماكله سرفنت راداناتي وگعدت اريد اكل لفيت اللگمه الاولى وهو إجه وگف على راسي رفعت راسي شفته واگف ومكتف إيديه لظهره وعيونه صايره سود من الغضب يتبع ... الـعـبـاديـه??