‘Di ko namalayan ang bilis ng panahon. Matatapos na rin pala ang semester at papalapit na naman ang summer break.
“Sis, saan ka magbabakasyon this sembreak?” tanong sa’kin ni May.
Nakatambay kami ngayon nina May at Ella rito sa bench. Dito na rin kami kumain ng mga baon namin dahil nakakatamad nang pumasok sa loob ng cafeteria.
“Madalas sa bahay lang naman ako nina CJ at JC nagbabakasyon tuwing summer,” tugon ko sa dalaga.
“Close na close talaga kayo ng kambal na iyon, no? Sana kami rin maging close sa kanila,” nangingislap ang mga matang sabad ni Ella.
“Close rin naman kayo sa kanila, ah?” nakataas kilay kong sagot sa kanila.
“Iba kasi iyong close sa classmate lang. Hays...”
“Sandali nga, may gusto ba kayo sa isa sa kanila?” mataray na tanong ko sa dalawang kaibigan.
“Naman! Hin
