Gagawin kitang mundo ko...'
Nakakatunaw hindi lang ng tuhod niya kung hindi pati ng puso niya ang sinabi ni Dylan. Kahit magpaligaw siya sa lahat ng lalaki sa bayan ng Aurora ay walang magsasabi sa kanya nang ganoon.
Alam niyang nalulungkot lang si Dylan dahil wala ang Auntie Karla niya. Sinabi na sa kanya ni Troy na hindi ito masaya dahil lagi lang mag-isa sa bahay. Kaya nga hindi siya nagrereklamo kapag palagi itong nasa condo niya. Kahit pa ang resulta niyon ay siya ang nahuhulog sa kumunoy.
Noong una nga ay sinabihan siya na akitin ito nang tuluyang mahulog ang loob sa kanya. Lahat ng kaibigan nito ay pabor na hiwalayan na lang nito ang Auntie Karla niya dahil hindi na masaya si Dylan. Malakas ang atraksyong dulot niya sa asawa ng tiyahin niya. Una pa lang silang nagkita sa
