“Paano kita magugustuhan kung wala kang ginawa kundi bwisitin at galitin ako? Wala rin akong balak na maging panakipbutas d’yan sa puso mong wasak. Huwag ako ang pag-trip-an mo, Gael. Ibang babae na lang.”
“Ang init naman agad ng ulo mo. Meron ka ba? Tinanong lang naman kita kung what if ligawan kita. Hindi naman kita pinipilit na maging girlfriend ko. ‘Tsaka gano’n ba kapangit ‘yung pagkakakilala mo sa ‘kin para ayawan mo ‘ko ng gan’yan?”
“Alalahanin mo nga kung may araw ba na hindi tayo nag-away noon. Palagi kang nakasinghal sa akin dati. Kahit pilitin ko na maging close tayo, palagi mo lang akong nilalayuan. Ayaw mo rin na magpatawag sa akin ng kuya, at ilang beses mong sinabi sa ‘kin na kahit kailan hindi mo ‘ko matatanggap bilang kapatid mo, dahil nag-iisa lang ‘yung kapatid mong ba
