“Pwede po bang mag-usap muna kami?” tanong ni Aaliyah kay Ms. Cherry Anne. Gusto niya munang marinig ang opinyon ni Hannah tungkol dito bago siya pumayag. Isinasaalang alang pa rin naman niya kung ano’ng gusto ng kaibigan niya lalo pa’t kaya naman siya nandito ay para dito.
“Sure,” nakangiting sagot ni Ms. Cherry Anne sa kanya at pagkatapos ay binitawan na ang braso niya.
Siya naman ang humawak sa braso ni Hannah at mabilis niya itong hinila palabas ng opisina ni Ms. Cherry Anne. “Papayag ba ‘ko o hindi? Alam ko gusto mong dumaan sa audition, pero—”
“Yes!” mabilis na sagot ni Hannah sa kanya kaya napatigil siya sa pagsasalita kanina.
“Yes? Yes na papayag ako, o yes na gusto mong dumaan sa audition process?”
“Yes. Payag na ‘ko na pumayag ka, kung gusto mo ring mag-artista. Girl, iba p
