Hahawakan na sana ni Aaliyah ang doorknob para buksan ang pintuan nang may kumatok sa pinto. “Sir Hugo.” Si Ate Minda ito. Nagkatinginan pa sila ng Daddy Hugo niya na para bang may ginagawa silang mali na dapat ay hindi makita ni Ate Minda. “Sir, ‘yung cellphone n’yo po, naiwan n’yo po sa baba. Nagba-vibrate po. May tumatawag,” malakas na sabi ni Ate Minda kaya ibinaba na siya ni Hugo. Lumayo si Aaliyah sa pinto at binuksan naman ito ni Hugo. “Ito po, sir.” Inabot ni Ate Minda kay Hugo ang cellphone.
“Thanks, Minda,” sabi ng Daddy Hugo niya.
“No problem po, sir,” nakangiting sagot naman nito at saka umalis na.
Tiningnan ni Hugo kung sino ang tumatawag sa cellphone nito. Sumilip din si Aaliyah kaya nakita niya na si Gael ito.
“I have to take this call. Let’s talk again later, okay?”
“
