Ang Kontrata

Kabanata 24: Kontrata

2015

Naging kuwentuhan sa bayan ng San Ildefonso ang tila paglalayas ng anim na magkakabarkada. Hindi malinaw kung ano ang motibo nila sa ginawa nilang ito. Hindi nagawa ng mga kasama nila sa pamilya ang mapigilan sila sa pag-alis.

May mga pagbabago raw sa mga ikinikilos ng mga ito simula no’ng araw na naligo sila sa ilog sa Bulusukan. Iniugnay ng mga tao ang pagpunta ng anim sa ilog sa pagkamatay ng anak ni Kapitan Jojo na si Jimboy. Pero ang mga pulis at kapitan na mismo ang nagsabing aksidente ang pagkamatay ng kanyang anak. Nagpatibay pa sa konklusiyon nila ang pagsuporta ng apat na kaibigan ni Jimboy. Kaakibat nito ay naging usapan din ang pagkamatay ni Paul. Iniugnay naman ng mga tao ang nangyari kay Jimboy sa nangyaring pagpatay. May mga tao na ang kapitan agad ang nasa isip nang