Kabanata 29: Patibong
2015 Naglabas si Jose ng isang pack ng sitsirya at ibinigay sa limang binata. “Ay sayang,” sabi ni Vincent. “Paborito ni Ricky ‘to.” “Tirhan mo na lang,” sabi ni Miguel. “Eh bahala siya kung matagal siya.” “Penge ako,” sabi ni Louis. “Ga’no po ba katagal ‘yung interview na ‘yon?” tanong ni Vincent kay Jose habang ngumangata ng sitsirya. “Kung makikipag-cooperate nang maayos ‘yung kasama n’yo, hindi naman siguro tatagal ng sampung minuto.” “Ano ba mga pinag-uusapan nila ro’n?” “Basta, tatanungin lang kayo nang tatanungin tungkol sa mga nangyari.” “Maanghang pala ‘to, ayaw ko,” sabi ni Jerry kay Miguel sabay abot sa sitsirya. Tumayo muna si Vincent at naglakad-lakad sa loob. Ininat niya ang mga braso. Nakikita niya ang lalo pang pagdilim ng paligid sa labas, pero nakikita pa rin mu
- Writer
