Kabanata 41: Tulay
2015 Sumakay sila sa isang L300 na Van. Ang likod ng sasakyan ay parang upuan ng mga jeep. Ang magkabilang panig ay magkaharap. Sa kabilang panig ay nakasakay ang mga binata. Sa isa naman ay sina Kapitan at ang isa niyang kasama. Iniwan nila ang dalawang bata sa bahay kasama ang walang malay nilang ina. Sinira ni Kapitan ang door knob ng pinto mula sa labas para hindi ito mabuksan, mula man sa labas o sa loob. Dalawa ang kasama ni Kapitan, kasama ang driver ng van. Nakatutok ang hawak na baril ni Kapitan at ng kanyang isang kasama sa mga binata kaya hindi makakilos ang mga ito. Isang kalabit lang ng gatilyo ay may buhay na mawawala sa kanila. Pinaandar ng driver ang sasakyan. “Sa’n tayo, boss?” tanong nito. “Do’n uli sa dati.” “Sa Makapilapil?” “Oo. Sa may tulay do’n.” Walang umimi
- Writer
