Kabanata 39: Paghaharap
2027 Nauuubos na ang oras niya, pero hindi pa rin niya nakikita si Jerry. May dala itong palakol, sabi ni Mang Ramon. Kikilos ito nang mag-isa. Tiningnan niya ang oras sa cell phone niya. Gabi na. Madilim na ang langit. Lalo siyang mahihirapang maghanap ngayon. Pero hindi siya puwedeng sumuko. Parang tumalon ang puso niya sa galak nang makita ang sasakyan ni Jerry na nakaparada nang madaanan niya ang Colegio de San Ildefonso. Agad din naman itong napalitan ng pangamba nang makita niya ang berdeng pick-up truck, hindi malayo sa sasakyan ni Jerry. Agad niyang pinarada ang sasakyan niya, pinatay ang makina, saka bumaba, dala niya ang kanyang baril. Aakyat na sana siya sa puno ng mangga para makapasok sa loob pero nakita niya ang gate ng eskuwelahan na nakabukas. Bumaba siya at doon na la
- Writer
