"Anong ginagawa mo rito April? Bakit ganyan ang itsura mo at sinong kasama mo?" sunod-sunod na tanong ni Papa habang sinisilip pa ang likuran ko kung may kasama ba akong dumating.
Dito sa bahay namin ako dinala ng aking mga paa matapos akung walang pakundangang palayasin ng ganun-ganun na lamang sa kanyang bahay ng aking sariling asawa.
Wala naman akong ibang mapupuntahan.
Wala naman akong ibang kilalang kamag-anak na malapit para lapitan.
Wala naman akong kaibigan na maituturing na pwedeng pagkatiwalaan.
Hindi ko naman alam kung nasaan nga ba ang mga kapatid ko kaya wala akong ibang pagpipilian kung hindi ang daan patungo sa bahay ng aking mga magulang.
Nag-aalangan man sa sarili kung kupkupin ba ako sa bahay ni Mama at Papa ay naglakas-loob pa rin ako at nagbabasakalin na kanila a
