Nagliwanag na ang mga ilaw sa poste ng meralco ng pagmasdan ko ang buong kapaligiran.
Pakalat na naman ang dilim kahit saan man ako tumingin dahil palubog na ang haring araw.
Wala na naman akong matutuluyan at maayos na matutulugan para palipasin na naman ang buong magdamag. Wala man lang din akong kahit anong balabal upang maging pananggalang sa malamig na simoy ng hangin sa gabi na tunay na nakakapanginig ng kalamnan sa tuwing iihip ito at hahaplos sa aking balat.
Natanaw ko ang isang parke sa hindi kalayuan kung saan maraming mga tao ang naroon at may kanya-kanyang pinagkakaabalahan. Ang iba ay namamahinga habang mga nakaupo sa mga benches samantalang ang iba naman ay nakasalampak sa berdeng damuhan.
Mga pamilya na magkakasama habang masayang nagkukwentuhan at nagtatawanan. May grup
