"Saan na kaya dito?" tanog ko sa sarili habang tumitingin sa paligid kung saan may mga ginagawang buildings.
Hinahanap ko ang kaparehong uniform na long sleeve na suot ni Eduard na naiwan niya pa sa bahay nang ihatid niya ako kahapon sa bahay.
Hindi ko nga alam kung paano ko itatago sa kung saang sulok ng bahay at baka makita ni Erin at magtanong kung bakit may damit panlalaki sa bahay.
Mahigpit pa naman bilin ni Eduard na huwag kong sasabihin sa anak namin na nagkita kami at nag-usap.
Narito ako ngayon malapit sa palengke at matiyagang hinahanap ang construction site kung saan nagtatrabaho ang tatay ng aking anak.
Ngunit mabibigo yata akong mahanap dahil kanina pa ako paikot-ikot pero hindi ko talaga makita na may nakasuot na kulay asul na long sleeve ang mga construction workers na
