في شقة تضم مجموعة من ضباط الشرطة ، إجتمع آسر بهم ليعلنوا ساعة الصفر لتنفيذ الهجوم على تلك الحارة التي تضم مجموعة كبيرة من المجرمين و الخارجين عن القانون ..
مال آسر بجسده قليلا يشير إلى أنحاء الرسم التخطيطي الموجود على الطاولة و قال
:- كل الهجمات اللي تمت قبل كدة كانت بالليل و للأسف كلها بتفشل ، عندهم نضورجية واقفين طول الليل يحرسوا الحارة دة غير طبعاً عيونهم اللي في القسم اللي بيبلغوهم بخطواتنا و دة بيخليهم دايماً سابقنا بخطوة ..
قال أحد زملاءه
:- و الهجوم برده صعب بالنهار ..
أكد آسر قائلا
:- صعب بس مش مستحيل ، المشكلة إن الحارة دي مش بس فيها نشالين و شمامين لأ الموضوع بقى أكبر من كدة بكتير ، بالذات لما إكتشفنا بعد مراقبتهم الأطفال اللي بتزيد بشكل كبير في الحارة و لحد دلوقتي مش عارفين نحدد هل هو تجارة أعضاء و لا تسول ..
إعتدل آسر في وقفته و أكمل
:- العملية محتاجة تركيز و ش
