الفصل الحادى عشر الچزء التانى
2508 Words
لينظر يوسف وليث إلى حمزة بصدمه وسرعان ما تحولت ملامح ليث إلى الغضب الشديد ليهجم ليث على حمزة ويمسكه من ملابسه ليمسكه يوسف ويبعده بصعوبه عن حمزة .
ليث بغضب : انت انسان حيوان جاى برجليك هنا يبقى انت جاى لموتك .
ليتوجه إليه مرة أخرى ليمسكه يوسف ويبعده .
يوسف بهدوء : ادخل يا حمزة .
ليث بغضب: يدخل فين .
يوسف بهدوء : اسكت انت يا ليث ادخل يا حمزة يلا عهد مستنياك .
ليومئ حمزة برأسه ويدخل إلى غرفه عهد بينما نظر ليث إليه بغضب .
ليث بغيظ : ايه الى انت عملته دا ، دا إنسان حقير اذاى تدخله عند عهد بدل تسبهولى اموته .
يوسف بهدوء : أهدى يا ليث دى أوامر عهد وعهد عارفه هى بتصرف اذاى .
ليضع ليث يدة على رأسه بغضب ، بينما دخل حمزة إلى غرفه عهد واغلق الباب خلفه لينظر إليها ليجدها نائمه تشبه الملاك ليتوجه إليها ويجلس بجوارها ويمسك يدها لتفتح عهد عينيها لتجد حمزة ينظر لها بحزن وندم .
حمزة بحزن : عامله ايه يا عهد .
عهد بإبتسامه: كويسه يا حمزة .
حمزة بندم : انا السبب .
عهد بهدوء: مكنتش اقدر اشوف ليث بيموت قدامى يا حمزة ، عملت ايه مع الشخص إلى عمل كدا .
حمزة بغضب : قتلته .
عهد بهدوء: كنت عاوز تقتل ليث يا حمزة .
حمزة بهدوء: ايوة .
عهد بإبتسامه: بس انا الى كنت هموت يا حمزة انا عشت بعيدة عن ليث ، عشت فى الم ووجع يبقى عاوزانى اسيبه يموت قدامى .
حمزة بهدوء: خلاص يا عهد معدش الم ووجع تانى .
عهد بإستغراب : يعنى ايه .
حمزة بهدوء: يعنى هبعد عنك واسيبك لليث ، انا كنت فاكر انك ما هتكونى معاى هتبقى سعيدة بس اكتشفت انك لو مش مع ليث مش هتبقى سعيده ابدا ، وانا بحب اشوفك سعيدة دايما حتى لو على حساب حبى ليكى ، بحب اشوف الابتسامه على وشك ، ونفسى أشوفها تانى كدا انا هبقى مبسوط .
عهد بإبتسامه: شكرا يا حمزة وان شاء الله هتنسانى وتحب واحدة تانيه .
حمزة بإبتسامه: انا عمرى ما هحب حد غيرك انتى الوحيدة الى خليتى الحوت يعرف معنى الحب .
عهد بحزن : اسفه .
حمزة بإبتسامه: متعتذريش انا الى لازم اشكرك ، انتى عملتينى معنى الحب ، وانا معاكى اتعلمت قواعد العشق ينفع اطلب طلب منك .
عهد بإبتسامه: اتفضل .
حمزة بهدوء: ينفع احضنك .
عهد بتوتر : لازم .
حمزة بإبتسامه: لو سمحتى .
لتومئ عهد برأسها بتوتر ليقترب منها حمزة ويحتضنها بشدة ويغمض عينيه ، ليبتعد عنها ويمسك يدها : كنت نفسى احضنك من زمان بس برضاكى مش غصب عنك .
عهد بإبتسامه: شكرا علشان التبرع الدم .
حمزة بإستغراب : اذاى عرفتى .
عهد بإبتسامه: انت نسيت انك اتصبت برصاصه كنت محتاج دم وانا كنت نفس الفصيله .
حمزة بإبتسامه: انا ممكن اى حاجه المهم تكونى كويسه قدامى . ليكمل بإبتسامه حزينه : ولو ليث زعلك كلمينى وانا هخدلك حقك ولو عاوزة تطلقى منه بردك قوليلى وانا موجود فى اى وقت ومستنى اتصالك .
لتمسك يدة عهد بإبتسامه : ينفع اطلب منك طلب .
حمزة : اتفضلى .
عهد بهدوء: ينفع تسيب شغل المافيا علشان خطرى وعيش حياه جديدة وكبر شركه مامتك .
حمزة بتردد : بس مينفعش محدش بيخرج من المافيا عايش .
عهد بهدوء: حاول يا حمزة وانا هبقى معاك وهحميك .
حمزة بإبتسامه: حاضر يا عهد .
عهد بإبتسامه: شكرا .
ليبتسم إليها حمزة ويقف ، حمزة بإبتسامه: انا همشى عاوزة حاجه .
عهد بإبتسامه: شكرا خلى بالك من نفسك .
ليبتسم لها ثم يتجه إلى الباب ليقف ثم يستدير إليها : كنت عاوز أسألك سؤال لو انا ظهرت فى حياتك قبل ليث كنتى هتحبينى .
عهد بهدوء: انت انسان كويس يمكن كنت فعلا احبك .
حمزة بإبتسامه: انا كدا خدت الرد الى كنت عاوزة سلام يا اول عشق فى حياتى .
ليغادر حمزة وقلبه حزين على ترك حبيبته لشخص آخر لكن سيرى ابتسامتها من جديد ، ما اجمل تضحيه الحبيب ، ليجد ليث ويوسف أمامه ليقترب حمزة من ليث وبداخله الم : حافظ عليها يا ليث انا سيبتهالك بس لو نزلت دمعه من عينيها بسببك هيبقى اخر يوم فى عمرك .
ليغادر حمزة المستشفى ليجد ماركوس منتظرة أمام السيارة .
ماركوس : ضحيت بحبك صح .
حمزة بإبتسامه: بس هتبقى سعيدة يا ماركوس وكمان انا مسبتهاش هى معايا فى كل وقت هى فى قلبى وفى عقلى .
ماركوس بهدوء: صح يا صاحبى يلا .
ليرتدى حمزة نظارته ويركب سيارته لتنطلق السيارة ووراءه سيارات الحرس ، بينما نظر يوسف إلى ليث بابتسامه : خلاص يا ليث عهد بقت ليك ومعدش خطر خلاص .
ليشعر ليث بسعادة شديدة ليتوجه إلى غرفه عهد ويفتحها فجأه لتفتح عهد عينيها بخضه .
عهد بمفاجأه : فى ايه يا ليث .
ليث بإبتسامه: يعنى خلاص بقيتى ليا ومش هتبعدى عنى تانى .
عهد بإبتسامه: ايوة .
ليث بسعادة : فرحنا بعد يومين.
عهد بهدوء: استنى شويه يا ليث لحد ما ارتاح .
ليث برفض : نتجوز وبعدها ترتاحى .
ليأتى يوسف من وراءه : أهدى يا عم ليث البنت لسه تعبانه اول ما تبقى كويسه نعمل الفرح وانا هحجزلك فى احسن اوتيل فى أسبانيا .
ليث بإبتسامه: لأه انا هخدها مكان تانى خالص .
*********
بعد مرور يومين أنهى ليث اجراءات عهد للخروج من المستشفى ، ليتوجه الجميع إلى غرفتها ليجدوا ليث معاها .
يوسف بحنان: يلا يا عهد .
ليث : يلا فين عهد هتيجى معايا هنرجع تانى فيلا ابوى .
يوسف بهدوء : بلاش يا ليث كفايه الى حصل وانا مش عاوز عهد تسمع كلمه تجرحها تانى .
ليث بإبتسامه: انا هقطع لسان اى حد يتكلم نص كلمه عليها .
عهد بإبتسامه: خلاص يا يوسف انا هروح مع ليث متخافش .
قاسم : تمام يا عهد .
ليستعد الجميع للرحيل لتجد عهد ليث فجأه يحملها .
عهد بخجل : ليث نزلنى الفريق يقولوا عليا ايه .
ليث بضحك : هى جديدة لازم يتعودوا ، انت الكينج بالنسبالهم ، بس انتى بالنسبالى عشقى .
لتبتسم له عهد ليخرجوا من المستشفى ليركب ليث السيارة وعهد بجوارة ، لينطلق إلى فيلا الحاج معتز ، ليصلوا بعد مدة ليجدوا الحاج معتز فى انتظارهم وزهرة وجميله ، لينزل ليث من السيارة ويتوجه ليفتح الباب لعهد وينزلها ثم يمسك يدها ويتوجه إليهم ، تحت غضب وغيظ جميله .
معتز محتضنا عهد : الف حمد لله على السلامه يا بنتى .
عهد بإبتسامه: الله يسلمك يا بابا .
لتنظر عهد الى زهرة لتجد زهرة تقترب منها بندم : اسفه يا بنتى معتز فهمنى كل حاجه .
لتحتضنها عهد بإبتسامه ثم تبتعد عنها : ولا يهمك انا لو كنت مكانك كنت عملت كدا .
لتنظر عهد الى جميله لتبتسم إليها جميله بسخريه : الحمد لله على السلامه .
عهد بإبتسامه: الله يسلمك .
جميله بسخريه: بسبب رصاصه ليث سامحك ونسى الى انتى عملتيه ، بس خد بالك يا ليث ذ*ل الكلب عمرة ما ينعدل يا وممكن تسيبك تانى علشان الفلوس .
ليث بغضب: اخرسى خالص عهد مسبتنيش علشان الفلوس ومش عاوز كلام تانى فى الموضوع دا فاهمه .
جميله بغضب : انا خطيبتك ومن حقى انصحك .
ليخلع ليث الخاتم من بين يدة ويرميه : كدا معدش حاجه بتربطك بيا .
جميله بغضب : بتتخلى عن بنت عمك علشان واحدة متستهلش .
ليرفع ليث يدة بغضب ليصفع جميله لتمسك يدة عهد : خلاص يا ليث .
جميله بغيظ : مش عاوزة حمايه منك ، هندمك يا ليث .
لتغادر جميله بغضب ليقترب الحاج معتز من ليث ، الحاج معتز بهدوء : خلاص يا ولدى خد مرتك واطلعوا ارتاحوا .
ليومئ ليث برأسه ثم يقترب من عهد ويحملها لتشهق عهد .
عهد بغيظ : ايه الى انت عملته دا نزلنى .
ليث بإبتسامه: مش جميله مشيت سيبنى اعمل إلى انا عاوزة .
ليضحك الحاج معتز وزهرة على عشق ابنهم لعهد ليدخل ليث المنزل ويصعد إلى غرفه عهد ليدخلها ويضع عهد على السرير ثم يتوجه ويقفل الباب .
عهد بإستغراب : قفلت الباب ليه.
ليث بإبتسامه: علشان ننام .
عهد بهدوء:ارجع اوضتك يا ليث .
ليث بخبث : دا انا ما صدقت أن حبيبتى رجعتلى تقولى روح اوضتك دا انا هبات هنا.
ليقترب منها ليث ويأخذها فى حضنه ويغمض عينيه .
عهد بهدوء: ليث انت نمت .
ليث بإبتسامه: نامى يا عهد مش عاوز كلام .
عهد بهدوء: ممكن ماما زهرة تشوفنا .
ليث بضحك : شفتنا كتير اتعودت تعالى نامى بقا نفسى اخدك فى حضنى ذى زمان .
لتبتسم عهد وتنام فى حضن ليث ، ليستيقظ ليث وعهد مساءا وينزلون إلى الأسفل ليجدوا الخدم يحضرون العشاء لتتوجه عهد الى زهرة .
عهد بإبتسامه: اساعدك فى حاجه يا ماما .
زهرة بحنان : لا يا حبيبتى ارتاحى انا جهزت كل حاجه .
ليث بجديه للخادمه: حطيتى شطه قليله ذى ما قولتلك .
الخادمه بإحترام : ايوة يا ليث بيه .
الحاج معتز بإبتسامه : اخيرا عيلتى اكتملت .
لينتهوا من تجهيز الطعام ليجلس الجميع سويا يتناولونه وليث يطعم عهد بسعادة وحب لينتهوا من تناول الطعام ويجلسوا جميعا فى الخارج حيث الهواء الطلق .
عهد بهدوء: ليث عاوزة اروح مصر بكرا .
ليث بإستغراب : ليه .
عهد بهدوء: عاوزة اروح للواء احمد فى المقر .
ليث بهدوء: ليه .
عهد بإبتسامه: عاوزة اقوله حاجه ضرورى .
ليث بإبتسامه: تمام هننزل مصر سوا وانا عندى شغل فى الشركه هخلصه ونيجى الصعيد تانى .
عهد بإبتسامه: تمام .
********
جاء الصباح ليعلن يوم جديد ليستعد ليث وعهد للذهاب إلى مصر ليخرجوا من الفيلا ويركبوا سيارتهم وينطلقوا الى المقر ، ليصلوا بعد مدة طويله ، ليقف ليث امام المقر لتنزل عهد .
ليث بإبتسامه: مش هتأخر يا حبيبتى .
عهد بإبتسامه: تمام .
ليغادر ليث وتدخل عهد المقر تحت احترام الجميع لتجد كرم يتجه إليها .
كرم : اذيك يا عهد .
عهد بإبتسامه: الحمد لله .
كرم بهدوء: عندك مهمه .
عهد بإبتسامه: لأه جايه اقابل اللواء أحمد وبعدها هرجع الصعيد تانى .
كرم بإستغراب : الصعيد ليه .
عهد بإبتسامه: انت متعرفش أن انا وليث رجعنا لبعض .
كرم بسعادة : بجد انا مبسوط جدا ، احلى خبر سمعته فى حياتى ، هو فين ليث .
عهد بإبتسامه: ليث راح الشركه وهيجى ياخدنى بعد ما يخلص .
كرم بإبتسامه : تمام .
عهد بإبتسامه: عن اذنك .
لتتجه عهد إلى مكتب اللواء أحمد وتدق الباب ليسمح لها بالدخول لتدخل عهد ليقف اللواء أحمد بسعادة ويتوجه إليها ويحتضنها .
اللواء أحمد : وحشتينى يا عهد الف حمد لله على السلامه .
عهد بإبتسامه: الله يسلمك يا عمى .
اللواء احمد بحنان : تعالى ارتاحى .
لتجلس عهد على الكرسى لتأخذ نفس عميق ، عهد : عمى عاوزة اطلب منك طلب .
اللواء أحمد بإستغراب : اتفضلى .
عهد بهدوء: قضيه حمزة .
اللواء أحمد : مالها .
عهد بهدوء: تتلغى وتسقط كل التهم عنه .
اللواء أحمد بغضب : ليه واذاى .
عهد بهدوء: حمزة هيعيش حياه جديدة وانا هخليه يعيشها بحريه ومش هربان .
اللواء أحمد : مستحيل الى شكل دا مش هيتغير ابدا .
عهد بهدوء: عمى انا عارفاه كويس وهو مش هيدخل فى شغل المافيا تانى .
اللواء أحمد : حتى لو صدقتك اذاى هلغى القضيه .
عهد بهدوء: عمى انت عارف كويس اذاى تلغى القضيه وانا مستعدة ادفع للدوله ١٠٠ مليون جنيه واكتر كمان بس حمزة ميتحبس اظن المبلغ الكبير دا احسن بكتير انكم تحبسوا حمزة .
اللواء أحمد بهدوء : خلاص يا عهد هحاول .
ليتقف عهد : ومستنيه اتصال حضرتك عن اذنك .
اللواء أحمد: راحه فين .
عهد بإبتسامه: هروح اشوف الفريق واطمن على منه وهرجع مع ليث الصعيد تانى .
اللواء أحمد بهدوء : كنت عاوز اقولك انك عندك مهمه قريب .
عهد بهدوء: مهمه ايه رفضاها .
اللواء أحمد : المهمه يومين بس وفى اسبانيا يعنى بلدك المفضله .
عهد بهدوء: تمام هتبقى امته .
اللواء أحمد : اسبوع .
عهد بهدوء: تمام عن اذنك .
لتغادر عهد وتفكر كيف تقنع ليث بالمهمه ، لتتصل يليق وتخبره أنها ستذهب الى بيتها ، لتركب تا**ى وتتجه إلى منزلها وتتصل بالجميع ، وبعد قليل أتى الجميع واطمئنوا على عهد ليجلسوا سويا .
عهد بإبتسامه: فين منه .
يوسف : فى مدرستها اتصلت بيها وجايه فى الطريق .
ليجدوا الباب يدق ليفتح اسامه ليجدوا منه وسيف ليدخلوا لتجرى منه وتحتضن عهد بسعادة .
عهد بإبتسامه: اذيك يا سيف .
سيف : الحمد لله اسمعوا بقا انا عاوز اتقدم لمنه .
نبيل بضحك : ما تهدى يا عم البنت لسه صغيرة .
سيف بهدوء: هو انا قولت اتجوزها احنا نعمل خطوبه ولا اقولكم كتب كتاب .
عهد بإبتسامه: خطوبه حلو بس ناخد رأى منه الاول .
منه بخجل : انا لسه صغيرة .
ليقف سيف ويجلس بجوار عهد ، سيف بغيظ : صغيرة اذاى يعنى ما انا نفسى اتكلم معاكى برحتى اعزمك فى مطعم اجبلك هدايا امسك ايدك حرام عليكى بقالى اسبوعين يجرى وراكى .
عهد بضحك : بجد بقالك اسبوعين .
سيف بحزن مصطنع : اه ولهى وفى يوم مسكت ايديها صوتت ولمت الناس وكانوا هيضربونى ولحقت نفسى بالعافيه .
ليضحك الجميع على سيف ، منه بغضب : امال اسيبك تمسك أيدى .
سيف : يبقى خلاص نتخطب .
منه بتفكير : افرض اتخطبنا وسمحتلك تمسك أيدى وبعدها رفضتك ، يكون اسمى إلى ممسوك أيدها .
سيف بغيظ : امال اعملك ايه قوليلى حل وكمان انتى مش لحد غيرى ، ولو موفقتيش يا منه على الخطوبه هخطفك ومش هتبقى خطوبه هيبقى جواز .
كل هذا والجميع يضحك عليهم ليجدوا باب المنزل ينفتح ليجدوا ليث ، لينظر لهم ليث بإبتسامه وسرعان ما تحولت لغضب عندما رأى سيف بجوار عهد ليتوجه إليه ويمسكه من ملابسه .
ليث بغضب : انت اذاى تقعد جنبها .
سيف بغيظ : ايه العيله دى ، واحدة مش عاوزانى امسك أيدها ، والتانى مش عاوزنى اقعد ، انتحر واخلص نفسى .
يوسف بضحك : سيبه يا ليث دا خطيب منه المستقبلى ، إذا وفقت .
منه بإستغراب : هو انت الشخص إلى شفته مع البنت المغرورة دى .
عهد بإبتسامه: دا عمو ليث يا منه جوزى .
منه بحزن : يبقى هو الى قعدتى كل السنين دى تعيطى عليه ، ينفع يا عمو متخلهاش تعيط تانى .
لينظر ليث إلى عهد بندم فحبيبته عانت كثيرا لكن من اليوم لن أسمح أن تنزل دمعه أخرى من عينيها .
ليث بإبتسامه: حاضر .
سيف بغيظ : خلصتوا جو الندم دا بالنسبه لمشكلتى .
اسامه بضحك : خلاص بقا يا منه وافقى .
منه بهدوء : سيبنى افكر سنه كدا وهرد عليك .
سيف بغضب : سنه ليه عليكى اقساط .
منه بغيظ : خلاص موافقه بس خطوبه بس .
سيف بفرحه : موافق المهم اكون معاكى .
فرح بضحك : ايوة بقا على الرومانسيه.
ليضحك الجميع ثم يجلسوا مع بعضهم ،ليحين وقت المغادرة لتودع عهد الجميع وتذهب مع ليث ، لينطلق ليث بسيارته الى الصعيد ، ليصعد عهد وليث إلى غرفته ليستريحوا .
فى المساء استيقظ ليث لينظر إلى عهد النائمه بجوارة بحنان ليحرك يدة على شعرها ثم بشرتها لتستيقظ عهد أثر لمسته لتبتسم له .
ليث بإبتسامه: يلا علشان ننزل ناكل .
عهد بإبتسامه: ولهى جعانه .
ليقف ليث ويحملها ثم يخرج بها من الغرفه ، بينما فى الاسفل وصلت جميله لتنظر إلى الاعلى بتوعد ثم تتوجه إلى المطبخ وتفتح أحد الإدراج وتأخذ سكينه لتصعد إلى الاعلى وتخبئ السكينه خلف ظهرها لتجد ليث يخرج من الغرفه ويحمل عهد لتنظر لها بكرة ليراها ليث وعهد لتنظر له عهد لينزلها مراعاه لمشاعرها لينزلها ليث وتتوجه عهد الى جميله .
عهد بإبتسامه: اذيك يا جميله عامله ايه .
جميله بغيظ : انا هقولك عامله ايه ، لتخرج السكينه وتضربها فى بطن عهد ، لتقف عهد بذهول وتنظر إلى ملابسها التى يغرقها الدم ، ويأتى الجميع وينظر للأعلى ويقف بصدمه وذهول .
ماذا سيحدث لعهد وهل هذة ستكون النهايه ؟
ماذا سيكون رد فعل ليث ؟
- Writer
