CHAPTER 22
THIRD PERSON’S POINT OF VIEW
“SIGURADO ka ba talaga riyan, Ariani?”
Marahas na bumuntonghininga si Ariani sa pang-ilang beses na tanong ni Helga, nag-aalala para sa kalagayan niya.
“Gusto kong malaman kung sino ‘yung babae.”
“And?” Nakaangat ang mga kilay na asik ni Helga.
“Tatanungin ko... bakit niya ‘yon nagawa sa ‘kin, magkakaroon na kami ng anak ng lalaking inaahas niya, o baka... baka pwedeng pakiusapan ko na tigilan niya na ang... ang asawa ko. Kahit para na lang sa bata...” nanginginig ang labi na sambit ni Ariani. Agad niyang ininom ang tsaa sa kaniyang tasa at kinalma ang sarili.
Iniisip niya pa lang ang eksenang ganoon ay pakiramdam niya hindi niya na kakayanin. Lumaki siyang malakas ang loob palagi sa lahat ng bagay, lumaki siyang siya mismo ang sinasamba at pi
