"Nasaan si Susana?" Tanong ni Bryant kay Taylor nang mapansin niya na hindi na ito kasama ng kaibigan.
Inginuso naman sa kanya ni Taylor ang restroom.
Nanlaki ang mga mata niya sa pahayag ng kaibigan at papasukin na sana niya ito nang pigilan siya ni Nadiah sa kanyang braso.
"Anong gagawin mo? Hindi ka pwedeng pumasok diyan."
Alam niya, pero hindi talaga niya pinagkatiwalaan ang babaeng iyon. Kaya sa halip ay kinatok na lamang niya ang pintuang iyon ng malakas. "Susana! Lumabas ka na! Kailangan nating mag-usap."
Nang wala siyang makuhang sagot mula sa loob ay napalingon siya sa kaibigang si Taylor. "Dalhin mo muna si Nadiah sa sasakyan. Susunod lang ako sa inyo."
Napatingin naman si Nadiah sa kanya na tila nababaliw siya. Duda kasi siyang may ginawang kahangalan
