Gwen's Point of View :
Inilipat nila sa isang pribadong kwarto si Markus matapos na magamot ito. Noong lumabas siya sa Emergency Room, nakasakay na siya sa wheelchair at may bandages na ang kanyang braso at paa. Pinalitan nila ng damit na puti si Markus dahil ang kanyang damit at pantalon ay ginunting nila para malinisan ang mga tama ng bala sa kanyang tagiliran at binti.
" Bakit ka pa kasi lumabas ng sasakyan mo kanina? Alam mo naman na delikado ka dahil sa banta ng lalaking tumatawag sa akin, eh! " paninisi ko sa kanya habang kumakain kami ng tanghalian.
" Sabi ko nga kanina, gusto kong makita iyong kausap mo kanina, Gwen kaya hindi ko mapigilan ang lumabas doon sa sasakyan, " sagot niya sa akin.
" Bakit pa kasi kailangan mong makita ang kausap ko? Iyan tuloy, naputukan ka ng tat
