Tulala na naman si Sophia sa may hagdan. Nilapitan siya ni Manang Linda pero hindi na muna siya kinausap nito bagkus ay hinimas lang ang ulo nito saka tinapik ang balikat niya bago ito bumalik sa loob ng bahay. Mabigat ang kalooban ni Manang Linda dahil mukhang mahihirapan na naman siyang mapangiti ang alaga. Habang nagluluto ang matanda ay naisip niyang tawagan si Zoe para itanong sa kanya kung ano ba ang nangyari sa pag-uusap nila ni Sophia. Kaya lang naisip niyang hindi maganda ang manghimasok sa problema ng iba. Hihintayin na lang niya na si Sophia ang kusang magkwento ng buong pangyayari.
Gumawa ng paraan si Manang Linda para makuha niya ang atensyon ni Sophia. Naroon ang bigyan niya ng juice at brownies ang alaga pero hindi man lang nito ginalaw ang pagkain. Nag-aalala na siya. Hind
