Mecca’s POV
Pagkapasok ko sa guest room, agad kong isinara ang pinto at napasandal sa likod niyon. Huminga ako nang malalim, pinipigilan ang sarili kong maluha.
Ang hirap.
Ang hirap magpanggap na walang epekto sa akin ang mga titig at salita ni Edward.
Ang hirap manatiling matatag kapag nakikita kong masaya si Matthew sa piling niya.
Naglakad ako papuntang kama saka naupo. Ito na ba yung buhay na pilit niyang binabalik? Yung mundo ng mga Stewart na noon pa man, hindi ko kayang pantayan?
Oo, para kay Matthew, magandang pagkakataon ito. Maraming pwedeng ibigay si Edward kayamanan, pangalan, lahat ng luho.
Pero sa likod ng lahat ng iyon… kaya ba niyang ibalik ang mga taong nawala? Kaya ba niyang burahin ang sakit ng limang taong wala siya?
Napapikit ako, hinaplos ang dibdib ko na par
