RAYDIN
Pagdating namin sa lobby ng hotel ay naroon sina Mommy at Daddy. Napaawang ang kanilang mga labi nang makita ang asawa kong si Zoey at ang quadruplets namin.
Paglapit namin ay halos hindi maibuka nila Mommy at Daddy ang kanilang mga labi. Palipat-lipat ang tingin nila sa mga bata at sa asawa
ko.
Ngunit kalaunan ay kay Zoey sila nag-focus ng tingin lalo na si Mommy. Lumapit ito kay Zoey at mangiyak-ngiyak at nhinaplos ng kaniyang dalawang kamay na nanginginig ang mukha ni Zoey.
''Buhay ka, Iha. Buhay ka nga,'' ani Mommy sa asawa ko at niyakap niya ito. ''Ang buong akala namin iniwan mo na kami, Zoey. Salamat at buhay ka,'' iyak pang wika ni Mommy sa aking asawa.
Si Daddy naman ay mangiyak-ngiyak na yumuko sa mga bata. ''Hindi ako makapaniwala na magkaroon ako ng Quadruplets na
