“YOU WERE on a date?”
“Hindi ko gusto `yang tono ng pananalita mo, Jaco,” naiinis na tugon ni Agatha sa sinabi ng binata. Tila hindi makapaniwala ang pagkakasabi nito na nilangkapan ng iritasyon at akusasyon.
Nasa opisina sila ng general manager ng restaurant. Iginiit ni Jaco na makausap siya. Wala na siyang nagawa kundi pumayag dahil tila nakahanda itong makipag-away sa harap ng mga customer kung hindi siya papayag. Ang sabi ni Paulino ay hindi niya kailangang makipag-usap kung ayaw niya at alam na handa siya nitong ipagtanggol. Upang hindi na magkagulo, pumayag na lang siyang makipag-usap kay Jaco. Nasa labas lang ng pinto si Paulino at nakahandang sumaklolo sa kanya ano mang oras. Ikinainis iyon nang husto ni Jaco.
“Hindi ko gusto ang ginagawa mo, Agatha.”
Hindi makapapaniwalang nap
