PAGBABA ko ng jeep ay naglakad na lamang ako papasok sa aming kanto. Hindi ko maiwasang mag-isip nang husto dahil sa kakaibang titig nila sa ‘kin noong iangkas ako ni Daryll. Huminga ako nang malalim at inangat ang aking mukha. Sino ba sila para husgahan ang pagkatao ko. Hindi nila ako kilala nang lubusan. Diretso akong naglakad papasok ng eskinita pauwi ng bahay ni Tiya Gina.
Naabutang kong nagbubunganga si Tiya Gina kay Marvin at hanggang ngayon ay hindi pa rin sila tapos. Lumapit ako kay Tiya Gina at nagmano. Sinamaan niya ako ng tingin ngunit binalewala ko na lang.
“O, mabuti at nakauwi ka na.”
“Opo, nakabili na rin ako ng vitamins para sa anak ko.”
Hindi na nagsalita pang muli si Tiya Gina ngunit bakas sa mukha niya ang inis. Umakyat na ako sa loob at uminom kaagad ako ng gamot
