Sa narinig ay bulgar na nangunot ang noo ko. Sandali siyang natahimik habang maigi akong pinagmamasdan at gaano ko man kagustong magsalita ay para akong naputulan ng dila.
Mayamaya pa nang umangat ang kamay niya, sa kadahilanang kaunti lang ang espasyong nakapagitan sa amin ay madali lang nitong naabot ang kamay ko. Katulad ng parating ginagawa ay hinalikan niya ang likod no'n.
Napalunok ako nang tila may magbara sa lalamunan ko dahilan nang pagkakatulala ko, kasabay nang pagririgodon ng puso ko ngunit sa pagkakataong ito, hindi iyon dahil sa labis na kakiligan.
Kung 'di sa isang pamilyar na emosyon, iyong tipong natatakot sa maaari kong matuklasan, kung kaya imbes na magtanong ay ngumiti ako. Pilit kong binaliwala ang pitik sa puso ko.
Natatakot ako sa mga posibleng mangyari, na sa li
