Chapter 45
Raine
SAKTO pagkalabas ko ng fitting room, biglang nagdilim ang paningin ko. Para akong hinihila pababa ng isang malakas na pwersa, parang hindi ko kayang buhatin ang sarili ko. Biglang sumakit ang ulo ko at parang bumabaligtad ang sikmura ko, wala naman akong masamang kinain kanina pero bakit ganito ang sikmura ko? Pinilit kong humakbang palayo, pero nahihilo naman ako ngayon.
Mabilis akong napahawak sa dingding, pilit na hinahanap ang balanse ko, pero parang mas lalong umiikot ang paligid. Nanlalambot ang katawan ko, at ramdam ko na kahit anong oras ay bibigay na ako.
Ano bang nangyayari sa akin?
Sinubukan kong huminga ng malalim, pero parang walang hangin na pumapasok sa baga ko. Nanginginig na ang mga kamay ko at halos mawalan na ako ng kontrol sa mga binti ko. Naramdam
