Nakaupo lang kami sa mahabang bench dito sa loob ng kwarto ng hospital na pinagdalhan namin kay Mang Rudy. Kasama ko ngayon ang anak nitong si Michelle at pareho lang namin siyang pinagmamasdan habang nagpapahinga. Mabuti na lang at naagapan kaagad siya ng Doctor kaya stable na ngayon ang kalagayan niya.
"Matagal ko nang pinag-reresign si Papa sa trabaho niya, pero ayaw niya talaga eh. Ang sabi niya hindi naman daw siya basta-basta inaatake ng sakit niya dahil may gamot naman daw siyang iniinom palagi. Eh ang kaso naiwan niya 'yung gamot niya sa bahay tapos hindi pa siya umuwi kagabi," narinig kong sabi ni Michelle na siyang ikinababa ko ng tingin. Para bang bigla akong nakaramdam ng guilt dahil mukhang kasalanan ko nanaman ang nangyari.
"I'm sorry, kasalanan ko ang lahat," tanging nasab
