Amara
“Talaga po ba nay? Ginulat mo naman ako? Ano pong gagawin nyo dito sa Maynila?” tanong ko kay nanay habang kausap ko sya sa cellphone.
Hindi ko maitago ang kaligayahan ko nang malaman kong luluwas ng Maynila ni Nanay Amanda sa makalawa.
“Yung amo ko kasi ay may aayusin dyan sa Maynila, dalawang araw kaming mananatili dyan. Sa huling araw ko sa Maynila ay pwede tayong magkita anak.” Sambit ni nanay.
Gusto kong sumigaw sa sobrang saya ngunit hindi ko magawa dahil tahimik ang buong klase habang nagbabasa ng aming mga aralin.
Si Galvert naman ay nakahawak ng mahigpit sa aking mga kamay at maging sya ay tila nasabik din sa pagdating ni Nanay sa makalawa.
“Sige po Nay, paghahandaan ko ang pagdating mo. Ipakikilala ko sa inyo si Galvert Nay. Hindi pwedeng hindi nyo sya makilala.” Wika
