Amara
Handang-handa na talaga ang lahat ng mga kakailanganin namin para sa isang espesyal na dinner mamayang gabi kasama si nanay Amanda.
Nakabili na rin si Galvert ng mga bulaklak para sa kanya. Mayroon na rin syang simpleng regalo para kay nanay na hindi nya sinabi kung ano ito. Basta nakalagay ito sa isang maliit at eleganteng kahon.
Surprise daw iyon dahil baka raw mabanggit ko pa kay Nanay ang nilalaman nito. Nakahanda na rin ang restaurant na kakainan namin dahil kaagad namang nagpareserve doon si Galvert nang malaman nyang darating si Nanay.
Maging ako ay hindi mapakali dahil sa kasabikan. Panay ang tanong ni Galvert kung nakarating na raw ba rito sa Maynila ang nanay Amanda ko.
“Oo nga, kahapon pa sya nandito. May inayos sila ng amo nya kahapon at kaninang umaga, kaya naman g
