Amara
Para bang kay bagal ng oras nang dumating ang sasakyan ni Galvert. Ang tagal nyang bumaba ng kanyang sasakyan. Gaano ba kalaki ang sinasabi nyang regalo? Mukhang nahirapan sya sa pagdadala nito.
Ngunit tila gumuho naman ang mundo ko nang masilayan ko si Kuya Erwin, ang driver ng pamilya nina Galvert na syang bumaba mula sa sasakyan. May bitbit syang paper bag.
Nagkunot ang aking noo. Nasaan si Galvert?
“Sandali lang nay, si Kuya Erwin ang bumaba ng sasakyan ni Galvert.” Wika ko
“Huh? Talaga?” pagkabigla rin ni nanay
Nagmamadaling naglakad papasok ng restaurant si Kuya Erwin.
Kaagad nya akong nakita dahil kinawayan ko sya.
Nang makarating sya sa pwesto ko ay buong puso naman syang ngumiti sa akin.
“Ma’am Amara, pinapabigay po ito ni Sir Galvert. Pasensya na raw po kayo dahil
