مًلَآکْ آلَغُيَثً

part 5

فى الجناح الخاص بعابد والد غيث :

كان عابد والد غيث لا يزال يتبادل اطراف الحديث مع زوجته امنه ، وهم يفكرون فى كيفيه حدوث كل هذه المشاكل فى ليله واحده.

ليتكلم عابد وهو يقول لها محاولا توضيح وجهه نظره وهو يقول :

انا فاهم قصدك يا امنه ، بس متنسيش ان كل ال حصل انهاردا دا كان صعب جدا ، وكان بمثابه صدمه لاى اب وام ممكن انهم يتحطوا فى نفس الموقف دا ، وخصوصاً ان كل الادله ضدها هى ، مفيش دليل واحد يثبت ع** الكلام ال كان بيقوله الراجل ال جه هنا.

ليردف بعد ذلك بقوله :

بس ال محيرنى فى الموضوع دا ، هو ان الرجل ال جه هنا عرف ملك ازاى ، وهى متعرفش حد هنا كتير ، وكمان مش بتخرج كتير ، فازاى هو كان متصور معاها فى مطاعم وكمان كل المحادثات والصور دى انا حاسس انها مش صح ، رغم ان الواقع بيقول غير كدا ، بس مش عارف هل دا صح ولا لا ، فى حلقه ناقصه فى النص لازم نكتشفها .

لتتكلم امنه زوجه عابد وهى تقول له:

انا كمان بفكر فى كدا يا عابد ، بس احنا هنقدر اننا نثبت دا ازاى ، وهنقدر نتاكد من ان كل ال بنفكر فيه صح ولا غلط ازاى ، انت عارف ان الموضوع دا مش هيكون سهل ابدآ.

ليتكلم عابد وهو ينظر الى زوجته بهدوء وهو يقول لها : عندك حق فى كل ال قلتيه يا امنه ، بس احنا لازم نتأكد ، خصوصا ان انا وانتى عارفين كويس اخلاق وتربيه ملك ، والا مستحيل كنت فكرت انى اجوزها لابنى غيث من الاساس ، فلنهايه هو ابنى وانا اكيد مش هخليه يتجوز واحده انا مش واثق فيها اكيد .

لتتكلم امنه زوجته وهى تقول له بهدوء :

انا خايفه جدا على ملك يا عابد ، البنت صعبت عليا جدا ، من كل ال حصل فيها ، ال حصل معاها صعب جدآ ، انا صعبت عليا جدا ، مكنتش عارفه اعمل اى ، وخصوصا ال عمله غيث مع ملك ، كمل عليها اكتر ، البنت كانت مدمره جدا ، انا من كتر ما هى صعبت عليا مقدرتش استحمل وسبتها ومشيت.

لتردف بعد ذلك بقولها وهى تقول له :

انا خايفه على ملك من غيث يا عابد ، انا خايفه لغيث يعمل فيها حاجه ، انت عارف ابنك كويس وعارف انه عصبى ، وهو لو وافق على موضوع الجواز دا ، فانا متاكده انه مش هخليها ترتاح ابدآ ، واكيد كل تفكيره هيكون انه يعلمها الادب ويربيها ، انا خايفه جدا على البنت يا عابد ، غيث مش هيعدى مل ال حصل دا بالساهل ابدا ، هو مش هيسكت على كل ال حصل دا.

ليتكلم عابد وهو ينظر لها بنظرات مطمئنه وهو يقول لها : بلع** ، انا متأكد ان غيث وملك حياتهم هتبدا دلوقتى ، ممكن ملك هتتعب شويه لحد ما تبدأ تفهم غيث ، وكمان غيث انا عارف ان هو عصبى وكمان صعب انه ينسى اى حاجه ، بس هو طيب وكمان حنين جدآ ، واكيد الحقيقه هتظهر وغيث هيعرف قيمه ملك ، وهيعيشوا حياتهم مع بعض بسعاده .

ليردف بعد ذلك بقوله :

كل ال نقدر نعمله ، اننا نحاول نساعد ملك ونخليها تتأقلم مع غيث ، ونحاول اننا نكشف الحقيقه ، لان البنت لو فضلت كدا ، غيث صعب انه يصدقها او حتى انه يفكر انه يكمل حياته معاها ، حتى لو كان الموضوع دا علشان خاطر جدته.، ال بيحترمها وبيحبها.

كانت امنه زوجه عابد تستمتع الى كلمات زوجها وهى تعلم انه محق فى كل كلمه يقولها، ولكنها أم ، وتعلم جيدآ ان ملك لن تستطيع ان تعيش بارتياح الا عندما تظهر الحقيقه وتظهر برائتها ، فملك رغم انها فتاة طيبه وبريئه ، الا انها صاحبه لسان سليط ، لا تسكت ابدآ عن حقها ، ولن تسكت لاى اهانه توجه اليها ، فهمى الفتاة العنيده ، التى لا تسكت عن حقها ابدآ ، بينما من الجهه الاخرى هناك غيث الذى يتمتع بشخصيه قويه ، شخصيه لا يجابهها احد فى القصر ولا يقف امامه احد حتى والده ، فهو الشاب العنيد الذى لا يقتنع الا بما يريد ، ولا يفعل الا ما يريد ، ولم يقبل بالزواح من ملك الا بسبب اللحاح جدته على امر هذا الزواج .

لتتكلم امنه زوجه عابد وهى تقول له :

رغم انى عارفه ان ال انت بتقوله دا.، مش اى كلام ، وان انت اكيد واثق وعارف بتقول اى بالظبط ، بس بردوا انا خايفه على البنت ، غيث هيتعبها الاول ، والبنت هتتعب معاه لحد ما يتاقلموا ، ولحد ما دا كله يحصل ، هى هتتعذب وهتشوف كتير ، واحنا مش هنكون معاها فى كل موقف علشان نقدر اننا نساعدها ونحميها يا عابد ، هى هتفضل تعانى من كل ال بيحصل دا لحد ما الحقيقه تظهر ، والله اعلم هنقدر اننا نكشف الحقيقه دى كلها ازاى يا عابد.، ولا هنقدر اننا نثبت انها مظلومه ازاى ، اذا كان بباها وممامتها مصدقوهاش ، البنت تعبت كتير ، وشافت كتير ، يا عابد ، ال مرت بيه دا مش سهل ابدآ ، مش سهل على اى حد انه يعيش كدا ابدآ يا عابد.

ليتكلم عابد وهو ينظر لها بهدوء وهو يقول لها :

انا فاهم كل ال انتى بتقوليه دا يا امنه ، بس انا متأكد ان كل حاجه هتتحل فى الاخر ، فى النهايه كل حاجه هتتحل ، وغيث اكيد هيعرف اخلاق ملك من عيشته معاها ، من خلال عيشتهم مع بعض ، وكمان من خلال المواقف ال هيعيشوهم مع بعض ، الحياة تجارب ومواقف يا امنه ، والايام كفيله انها تغير كل حاجه ، وكمان كفيله انها تظهر الحقيقه.

لتومئ له زوجته امنه بنعم وهى تقول له :

يا رب تظهر الحقيقه فى اقرب وقت يا عابد يا رب.

لينظر لها عابد بطمأنينه وهو يربت على يدها بهدوء ، وهو يقول له :

متقلقيش كل حاجه هتبقى تمام، وكل حاجه هتتحل.

ليتوجه كلا من عابد وزوجته بعد ذلك الى النوم ، حتى يستريحوا من عناء هذا اليوم الذى كان ملئ بالعديد من الاحداث ، التى كانت مرهقه بالنسبه للجميع.

____________♡

فى صباح يوم جديد على الجميع :

بعد هذه اليله العاصفه المليئه بالعديد من الاحداث ، التى كانت صادمه للجميع ، لتمر هذه الليله بكل ما حملته من احداث.

فى غرفه غيث :

كان غيث قد استيقظ منذ حوالى العشر دقائق وهو يجلس على السرير ، ويقوم بالتقليب فى هاتفه.

لينهض بعد ذلك من على السرير ، وهو يضع هاتفه على السرير ، وهو يتجه الى الحمام.

بعد خروجه من الحمام ، قام بارتداء ملابسه ، وتجهيز نفسه ، حتى يتوجه الى الخارج.

ليتجه الى خارج الجناح بعد انتهائه ، لينظر الى غرفه ملك وهو ينظر لها بضيق ، وهو يقول: انا هعلمك الادب ، واوريكى ازاى تعملى كدا يا ملك ، انا ال هربيكى ، وهخليكى تندمى على كل ال انتى عملتيه دا .

ليتوجه بعد ذلك الى الاسفل ، ليتوجه الى العمل مباشرة.

بينما فى الغرفه الخاص بملك :

كانت ملك مستيقظه ، وهى مستلقيه على ظهرها على السرير ، وهى تنظر الى الصقف بشرود ، لا تزال تشعر بالضيق منذ الليله الماضيه ، ولا تزال احداث الليله الماضيه تعاد وتعاد وتتكرر الالف المرات فى عقلها ، لتضع يدها على قلبها ، وهى تحاول السيطره على دموعها حتى لا تسقط مجددا ، فهى لا تريد ان تعيد ما حدث بالامس ، فقد الامها قلبها كثيرآ ، والذى يؤلمها اكثر هو تخلى الجميع عنها.

لتحاول النهوض من على السرير ، وهى تقوم باسناد ظهرها على الوساده خلفها وهى تجلس على السرير ، لتقول فى نفسها بصوت حزين : يا رب كل حاجه تتحل ، والحقيقه تظهر ، انا تعبت من كل ال حصل امبارح ، مش عاوزه دا كله يتكرر ، انا قلبى لسا واجعنى من كل ال حصل امبارح ، لسا كل ال حصل امبارح فى عقلى ، مش عاوزه اعيش كل دا تانى ، انا تعبت يا رب.

لتحاول ان تنهض من على السرير ، لتتوجه الى الحمام بعد ذلك.

بعد خروجها من الحمام ، توجهت الى تغير ملابسها ، لتنظر الى المرأة بعد انتهائها ، لتجد علامات زرقاء تجتاح وجنتها اليمنى ، بالاضافه الى تورم وجهها ، لتتكلم ببعض الغضب وهى تقول :

وحياة كل ال عملته دا يا غيث لاوريك ، جاى تستقوى عليا انا ، زى ما الكل جه عليا وظلمنى ، بس انامتاكده ان الحقيقه هتظهر فى الاخر.

لتبتعد بعد ذلك من امام المرأة وهى تجلس على سريرها ، وهى من**ه الراس وتحاول حبس الدموع فى عينيها.

لتجد باب غرفتها يفتح فجأة على مصرعيه ، وهى تشاهد نرمين ابنه عمها على تدلف من الباب وهى تقف امامها بعد ان قامت باغلاق الباب ، وهى تنظر الى ملك بشماته وهى تقول لها :

صباح الخير ، بالست هانم ، يا رب تكونى نمتى كويس بعد كل ال حصل امبارح.

لتردف بعد ذلك بقولها وهى تنظر لها باحتقار :

شكل غيث عمل اللازم معاكى ، وعرف يربيكى ازاى امبارح ، بس مشاء الله عليكى ، عملك نيولوك جديد وحاجه زى الفل كمان ، لا ومتوصى بيكى .

كانت ملك تستمع الى كلمات نرمين وهى تشعر بالحنق الكبير من هذه الفتاة ، كم تمقتها فنرمين تكرهها ولا تعلم لماذا ، لتتكلم ملك ببعض الحده بعدما استمعت الى باقى كلمات نرمين وهى تقول :

انتى عاوزه اى منى بالظبط ، انا مش فاهمه انتى مالك بيا ، ولا مالك بال حصل معايا ، وال هيحصل حتى ، دى حاجه متخصكيش خالص ، وملكيش اى دخل بيها انتى فاهمه.

لتنظر لها نرمين بخبث وهى تقول لها :

هو انتى ليكى عين انك تتكلمى اصلا يا بتاعه انتى ، امال لو مكنتيش مفضوحه فى القصر كله ، والعيله كلها شافت قله الادب ال انتى عملتيها ، حتى بباكى ومامتك مصدقوكيش ابدآ ، ولا فى حد وقف جنبك ، انتى المفروض تت**فى من نفسك ومن كل ال حصل معاكى.

لتردف بعد ذلك بقولها وهى تنظر لها بخبث وهى تقول لها :

انتى واحده كانت هتهرب مع واحد ، وكانت هتفضح العيله كلها ، انا مش عارفه انتى ازاى مش م**وفه من نفسك ، ازاى انتى بجحه كدا يا ملك ، اكيد هو دا كل ال تعلمتيه من التربيه برا مصر ، ومن العيشه برا مصر ،اكيد لازم تكونى كدا ، امال هتكونى ازاى يعنى ، بعد ما عشتى معظم حياتك برا مصر.

بعدما استمعت ملك الى حديث نرمين الخبيث ، كانت تشتعل من الغضب ، لتتكلم بحده وهر تقف امام نرمين مباشره وهى تنظر فى عينيها وهى تقول لها :

انا واثقه من نفسى جدا ، وعارفه انا اى ، وعارفه كمان تربيتى ازاى ، مش انتى ال هتقوليلى اعمل اى ، ومعملش اى ، مش واحده زيك هى ال هتعلمنى الادب او هتنصحنى ، بصى لنفسك الاول وبعدين ابقى اتكلمى معايا .

لتردف بعد ذلك بقولها وهى تنظر لها بتحدى وهى تقول لها : انا صحيح عشت يعتبر عمرى كله برا مصر ، وكمان متربيه برا ، بس اقدر اقولك ، ان تربيتى احسن مليون مرة من تربيتك يا نرمين ، وانا عمرى ما عملت اى حاجه غلط ، فى حياتى كلها ، وعمرى ما خليت حد يتجرأ ويعمل اى موقف معايا ميرضنيش او انا مش عاوزاه ، اتمنى انى اكون وضحتلك الصوره كويس يا ست نرمين .

كانت نرمين تستمع الى حديث ملك وهى تشعر بالغضب الشديد ، فقد قدمت الى غرفه ملك حتى تقوم بالشماته فيها ، والضحك عليها والاستمتاع قليلا ، فقد كانت تظن ان ملك سوف تكون من**ره اليوم وانها سوف تستطيع النيل منها وشتمها والسخريه منها دون ان يكون هناك اى رد فعل من ملك .

لتتكلم نرمين بحقد وهى تقول لها :

انا مش عارفه انتى ازاى كدا ، انتى المفروض انك تكونى دلوقتى م**وفه من كل ال انتى فيه دا ، انتى ازاى واقفه قدامى كدا ، رغم كل ال حصل معاكى دا ، وكل ال انتى فيه دا ، انتى المفروض تكونى خايفه وقلقانه من ال جاى ، لانى متأكده ان ال جاى كله قلق ليكى ياست ملك ، مفيش راحه خالص اليومين الجاين ليكى .

لتنظر لها ملك بتحدى وهى تقول لها :

مش انا ال اخاف من ال جاى يا نرمين ، ومش انا ال اخاف من اى حد ، انا مش بخاف غير من ربنا ، وربنا عارف انى بريئه ومش بعمل اى حاجه غلط ، ال المفروض انه يخاف ال بيعمل حاجه غلط ، وخايف انه يتكشف ، وزى ما انا مش خايفه منك ومش خايفه من اى حد ، انا واثقه ان الحقيقه هتظهر وهتبان ، وكل حاجه هتبقى كويسه ، لانى واثقه فربنا ، وعارفه انى معملتش ولا مش بعمل اى حاجه غلط ، يبقى اخاف ليه ومن اى ، ومن مين بقا.

كتنت نرمين تنظر لها بضيق وهى تستمع الى كلماتها التى جعلتها تشتعل من الغضب ، لتتكلم بحقد وهى تقول لها : بلاش الثقه دى كلها يا ست ملك ، وبلاش تفكرى ان فى حقيقه هتظهر ولا اى حاجه من الكلام دا ، انتى اتفضحتى وخلص الموضوع ، العيله كلها شافت كل الادله على قله تربيتك ، انتى حياتك انتهت ، وكل ال انتى عايشه فيه دا وهم ، انتى حياتك انتهت خلاص يا ملك ، بلاش تعافرى فى حاجه انتى خسرتى وانتهى الموضوع.

بعدما استمعت ملك الى كلمات نرمين الحاقدة ، نظرت لها بثقه وهى تقول لها: .....