مًلَآکْ آلَغُيَثً

part 4

فى الغرفه الخاصه بالجدة كان غيث لا يزال يتناقش مع جدته حول موضوع الزواح من ملك ، وهى تحاول ان تقنعه ان هذا هو السبيل الوحيد لحل المشكله التى هم فيها ، وان هذا امر لا مفر منه.

كان غيث يستمع الى كلمات جدته وداخله متأكد من ان كل كلمه تخرج من فم جدته صحيحه ، وانها تفكر فى الصالح العام للعائله ، وانها لا تريد سوى مصلحه العائله ، ولكن كيف له ان يتزوج من هذه الفتاة ، التى كادت ان تؤدى بسمعه العائله الى الحضيض ، كيف سوف يأتمنها على اى شئ ، كيف سوف يكون اسرة معها ، ولكن فى النهايه هذا هو ما وضعه الواقع فيه ، ويجب عليه ان يقرر ، وان يختار الاصلح للعائله اولا قبل ان يقوم بالتفكير فى نفسه.

ليتكلم غيث وهو ينظر الى جدته بهدوء ، لا يع** حاله الغضب والثوره التى تعتلج بها روحه ، وهو يقول لها : انا موافق على موضوع الجواز دا يا جدتى .

لتنظر الجدة الى غيث بسعاده كبيره بعدما استمعت الى كلماته التى يعلن فيها عن قبوله الزواج من ابنه عمه ملك.

لينظر غيث الى جدته بهدوء ، وهو يشاهد الابتسامه التى تظهر على وجهها ، ليتوجه بعد ذلك الى خارج الغرفه وهو يتوجه الى الجناح الخاص به.

بينما كانت تتطلع الجده زينات الى اثره وهى تشعر بالارتياح ، فقد قامت بتحقيق مبتغاها الذى كانت تخطط له منذ البدايه ، وها هو ذا قد استجاب لمرادها وسوف يتزوج بابنه عمه ملك.

لتتكلم الجدة زينات بهدوء وهى تقول : ربنا يستر على ال جاى ، انا متاكده ان غيث مش هيجيبها لبر ، واكيد هيتعب ملك معاه فى الاول ، بس انا متاكده بردوا ان هما هيرتاحوا مع بعض بعدين ، وان حياتهم هتبقى احسن بعدين .

لتنهض من مكانها وهى تتوجه الى السرير حتى تقوم بالاستلقاء عليه ، حتى تنعم ببعض الهدوء فقد كان يومآ شاقآ ملئ بالاحداث .

بينما كان غيث يتوجه الى الجناح الخاصه به وهو يكاد ان يشتعل من الغضب ، لو كان غضبه يمكن مشاهدته لكان اشعل المكان منه الان.

هو لم يوضع امام الامر الواقع طوال حياته ، لطالما كان مستقلآ بذاته يتخذ قراراته بنفسه لا يتدخل احد فى اى قرار اخر يتخذه ، فكيف له ان يفعل امرآ مهم كالزواج من دون رغبته ، وكل ذلك بسبب قله المسؤليه وقله التربيه التى تعانى منها ابنه عمه ملك من وجهه نظره ، فبسبب تصرفها الغير مسئول والغير منطقى والذى لا يظهر سوى سوء تربيتها وتأثرها بالعادات التى كانت تمارس فى الدول الاجنبيه التى كانت تربى فيها.

لطالما كان غيث رجلآ مستقلا بذاته بعيدا عن اى احد ، استطاع اداره كافه اعمال العائله بمهاره ، متحملا كل المسئوليه لوحده ، تحمل مسؤليه اكبر من سنين عمره ، تنحى له والده عن الاداره الخاصه بالشركات ليتابع والده بعض الامور فقط ، بينما "على" عم غيث كان يعمل تحت اداره غيث ، وذلك بسبب قله المسؤليه التى يتصف بها والتى قد قامت بجعل العائله تخسر الكثير ، بينما كان صدقى والد ملك مستقلآ بذاته واعماله فى لندن ، ليتقدم غيث وينهض باعمال و باسم العائله.

فى اثناء توجه غيث الى الجناح الخاصه به ، كان ينظر الى الغرفه الخاصه بملك ، فقد كانت غرفتها قريبه من جناحه الخاص.

فعلى الرغم من مكوث العائله فى قصر ضخم ، الا ان ملك اختارت ان تمكث فى غرفه ، دون ان تختار اى جناح ، كمعظهم افراد العائله ، حيث يمكث والدها ووالدتها فى جناح ، وعمها على وزوجته هبه فى جناح ، وعمها عابد وزوجته فى جناح ايضآ ، وغيث فى جناح خاص به ، وكذلك نرمين، ما عدا الجدة زينات حيث انها كانت تمكث فى افخم جناح فى القصر ، ولكن بعد ان توفى زوجها ، انتقلت الى غرفه ، وذلك بسبب حزنها وعدم رغبتها فى البقاء فى جناحها ، وجناحها مغلق حتى اليوم منذ سنوات ، واحترم الجميع قرارها .

ورغم غرف القصر الكثيرة ، وتعدد الاجنحه المصممه على ارقى مستوى ، لم يصل اى جناح او اى غرفه فى القصر الى فخامه الجناح الخاص بالجده زينات.

ليصل غيث الى الجناح الخاص به ، وهو يتوجه الى الداخل مباشره ، ليتوجه الى غرفه النوم ويقوم بالقاء جسده على الفراش ، وهو يتطلع الى السقف بارهاق ، وهو يقول :

انا يحصل فيا كدا ، انا بنت قليله التربيه زى دى لاول مره فى حياتى هتضطر انى اعمل حاجه بسببها انا مش عاوزها ، انا اتجوز واحده زى دى ، بنت كانت هتهرب وتحط راسنا فى الارض.

لينهض بعد ذلك وهو يجلس على السرير ، وهو يقوم بنزع سترته ليقوم بالقائها على طرف السرير ، وهو يتوجه الى الحمام حتى ينعم بحمام دافئ ، لعله يريح عقله من كثرة التفكير فى امر هذا الزواج.

بعد انتهائه من الاستحمام ، خرج من الحمام وهو يقوم بتجفيف شعره بمنشفه صغيره ، بينما كان يرتدى شورت قصير فقط.

ليتجه ناحيه السرير وهو يلقى بجسده عليه ، ليغط فى نوم عميق.

"مرحبآ بدنيا الاحلام، تلك الحياة الوهميه التى نعيشها عندما نمل من الواقع الذى لا يمد للامل بأى صله ، مرحبا بحياة ورديه ، حياة هادئه سعيده حتى ولو كان هذا الامر فى احلامنا فقط ، فهذا لا يهم ، كل ما يهم هو ان نكون سعداء ،ان نشعر ان حياتنا ليست عباره عن سطور من الكأبه والبؤس والحزن ، اهلا بالسعاده والحريه والامل ، حتى وان كان كله خيال ،فهذا لا يهم ، الا يكفى الواقع المرير ، فلما لا نعيش بسعاده حتى فى الاحلام ؟!! ibtesam alagmy#"

__________♡

فى الجناح الخاص نرمين :

كانت نرمين تستلقى على السرير وهى تقوم بطلاء اظافر يدها وهى تبتسم باتساع ، فقد اقتربت من تحقيق هدفها الذى كانت ترجوا وتتمنى تحقيقه منذ زمن بعيد.

ها هى ذى قد قامت بتنفيذ ما كانت تخطط له هى ووالدتها ، فقد اورثتها والدتها البغضاء فى قلبها ، وزرعت فى عقلها فكره الزواج من غيث ، وانه يمثل الورقه الرابحه لها بصفته وريث العائله ، والمتحكم فى كافه اموال العائله وكافه ممتلكاتهم ، كما انه يمتلك عمله الخاص ، الذى ينتشر فى مصر ودول العالم العربى .

لتلتفت نرمين الى والدتها التى دلفت من الباب وهى تبتسم باتساع لابنتها نرمين ، وهى تشعر بالسعاده الكبيره لاقترابهم من تحقيق هدفهم.

لتجلس على طرف السرير بجوار ابنتها وهى تقول لها بسعاده :

مبروك مقدما يا نرمين يا بنتى ، كدا ممكن نقول اننا خلصنا من ملك بنت وفاء ، البنت دى كانت مديقانى جدا ، كدا قدرنا اننا ن**ر عين امها ال كانت شايفه نفسها علينا وكل شويه تقول، بنتى فى كليه كذا وبنتى مفيش حد زيها ، وشايفه نفسها عليا كدا ، تستاهل كل ال حصل انهاردا دا.

لتردف بعد ذلك بقولها ، وهى تتطلع الى ابنتها بخبث وهى تتكلم بحقد وهى تقول :

امها تستاهل انها تتحسر على بنتها وعلى تربيتها كدا ، دى هى اخره ال يشوف نفسه عليا ، خليت تربيه بنتها وسمعتها فى الارض ، ومفيش حد فى القصر كله مصدق ولا كلمه هى بتقولها .

لتنظر لها ابنتها نرمين بمكر وهى تقول الى والدتها :

المهم دلوقتى يا ماما ، احنا هنعمل اى بعدين ، علشان نخلى غيث يتجوزنى ويتقدملى انا ، كدا احنا خلصنا من ملك خالص ، بعد ما كانت مرات عمى "امنه" عاوزه تجوزها لابنها ، ونسيانى انا خالص ، اهو فضحناها خالص ، وتورينى بقا هتجوزها لابنها غيث ازاى ، لو هى موافقه على كدا ، انا متأكده ان غيث مش هيوافق انه يرتبط بواحده مش محترمه زى دى ، دى واحده اتفضحت قدام العيله كلها ، مش بس كدا ، هى مش هتقدر انها تبص فى عين اى حد من العيله ابدآ ، ولا عمرها هتقدر تبص عليا ولا تشوف نفسها بتعليمها وتفوقها عليا تانى.

لتربت هبه والدة نرمين على كتف ابنتها وهى تقول لها : دلوقتي حقك رجعلك يا نرمين، والجربوعه بنت وفاء عمرها ما هتقدر انها تحط راسها براسك تانى ابدا ، ولا هتقدر انها تبص فى عين حد اصلا.

لتتكلم نرمين بسعاده وهى تقول الى والدتها :

شفتى كمان ال عمله غيث انهاردا يا ماما ، دا ضرب ملك وسمعت من الخدم انه كان هيقتلها انهاردا ، انا سمعت انه كان عصبى جدا انهاردا يا ماما ، دا بالعافيه عموا عابد قدر انه يبعد غيث عن ملك ، والا كان قتلها فعلا ، بعد كدا فى دكتوره جاتت علشانها، بس للاسف انا مسمعتش اى حاجه من ال حصلت دى لانى الجناح بتاعى بعيد عن اوضتها ، معرفتش الا لما نزلت تحت وواحده من الخدم قالتلى.

لتضحك هبه والده نرمين وهى تقول لها بفخر :

واكيد هو عرف الموضوع دا كله منك انتى يا نرمين ، مع اننا كنا متفقين اننا نسيبه يعرف الموضوع لوحده بس مش مشكله بردوا ، لعبتيها صح ، انتى فكرتى صح كدا ، وكدا الخطه بتاعتنا يعتبر اكتملت ، مش باقى غير اننا نخلى غيث تحت ايدنا ، ونسيطر عليه ، ودى هى المشكله الوحيده هنا ، غيث صعب اننا نقنعه بأى اى حاجه.

لتتكلم نرمين وهى تنظر الى والدتها بخبث وهى تقول لها: الموضوع ولا صعب ولا حاجه ، غيث راجل زى اى راجل ، واكيد عاوز واحده كويسه ومتربيه علشان تشيل اسمه وتبقى ام عياله ، واكيد انا الوحيده ال قدامه دلوقتى ، لان غيث ملهوش غير فالشغل والجد وبس ، يبقى ميعرفش بنات ، يبقى الطريق سهل قدامى ، علشان اوصله.

لتتكلم والده نرمين وهى تنظر الى ابنتها بهدوء وهى تقول لها :

بس انا حاسه انى مش مطمنه يا نرمين ، حاسه ان فى حاجه غلط ، غيث ال انا اعرفه مش هيسيب ملك كدا ، ولا هيسيب الموضوع يعدى بالساهل كدا ، اكيد هيدور ورا الموضوع ، احنا لازم ناخد احتياطنا ونخلى الرجل ال جبناه دا ، يختفى فورا ، ومحدش يشوفه ، ولا حد يقدر يوصله ابدا ، لان لو فى حد قدر انه يوصله كدا ، الدنيا كلها هتخرب وهتتربق على دماغنا.

لتردف بعد ذلك بقولها وهى تقول :

زى ما الخطه بتاعتنا مشيت تمام من الاول ، لازم اننا ناخد احتياطنا ومنفرحش بال احنا وصلنا ليه يا نرمين ، لازم اننا ناخد بالنا من كل خطوه ومن كل تفصيله حصلت وهتحصل.

لتتكلم نرمين وهى تنظر الى والدتها بهدوء وهى تقول لها : عندك حق يا ماما ، احنا لازم ناخد كل احتياطنا ، علشان منندمش بعدين ، بس مقلتليش هتفاتحى جدتى فى موضوع جوازى من غيث امتا انتى وبابا.

لتتكلم والده نرمين وهى تبتسم بخبث وهى تقول :

احنا لازم اننا نستعجل فى الموضوع دا يا نرمين ، مش لازم نستنى اكتر من كدا ، لازم ندق على الحديد وهو سخن ، انا هكلم بباكى انهاردا ، واخليه يكلم جدتك بكره علشان الخطوبه ، اكيد مفيش واحده احسن منك ولا انسب منك علشان تبقى مرات غيث يا نرمين ، انتى لازم تبقى الكل فى الكل فى القصر دا ، احنا لازم اننا نمسك كل حاجه فى ايدنا ونتحكم فى كل حاجه يا نرمين ، ولازم اننا نستعجل كمان فى كل دا ، والا كل حاجه ممكن انها تضيع من ايدنا .

لتبتسم نرمين وهى تنظر الى والدتها بحماس وهى تقول لها :

واكيد انا هبقى سيدة القصر بعد ما اتجوز غيث ويكون ليا ، وبعد ما اتجوزه مفيش حد فى القصر دا هيقدر انه يقف فى وشنا .

لتبتسم الام والابنه بخبث كبير وهم ينظرون الى بعضهم ، فهم قد خططوا ونفذوا ، وظلموا فتاة بريئه لا ذنب لها فى اى شئ ، وكل ذلك من اجل ارضاء نفوس حاقدة للشر فاعله.

" رغم ما يفعله الشر بنا، ورغم ما نعانيه من الظلم والبؤس والالم المصحوب بالمعاناة ، التى تصتبغ به حياتنا، هناك دائما امل فى نهايه الطريق الذى نقطعه ، حتى وان طال الطريق ، فلا استسلام حتى نبلغ النهايه ibtesam alagmy #"

______________♡

فى الجناح الخاص بعابد والد غيث:

كان عابد والد غيث يجلس على طرف السرير وهو لا يزال يفكر فى كل ما حدث ، يحلل كل تفصيله وكل جزء صغير قد مر اليوم ، حتى يستطيع ان يقوم بموازنه كافه الامور بعقلانيه ، فعلى الرغم من ان ابنه غيث يقوم باداره كافه اعمال العائله ، وان العائله تعتمد عليه اعتمادآ كاملا ، الا ان عابد لا يزال كبير العائله والابن المقرب من والدته الحجه زينات .

ليتكلم عابد وهو يخاطب زوجته امنه وهو يقول لها : مش شايفه ان الموضوع دا كله غريب يا امنه ، وان كل ال حصل دا فى يوم واحد ميتصدقش بردوا.

لتتكلم امنه زوجه عابد وهى تنظر الى زوجها بهدوء وهى تقول له :

انا حاسه ان البنت دى مظلومه يا عابد ، صح البنت دى اتربت برا مصر وعاشت نص عمرها هناك ، بس منقدرش اننا ننكر انها محترمه ومتربيه ، وكفايه ان لبسها محترم وهى متحجبه ، رغم البيئه المتحرره ال كانت عايشه فيها برا مصر ، رغم دا كله هى كويسه ومحترمه ، فانا بصراحه واثقه فيها ، وانا مستغربه ازاى اخوك صدقى مش مصدقها ، وازاى امها وفاء تسيبها كدا ، ازاى قدروا انهم يتخلوا عنها ر غم انهم اكتر اتنين عارفين تربيه بنتهم كويس ، وانها محترمه قد اى .

ليتكلم عابد وهو يقول لها محاولا توضيح وجهه نظره وهو يقول :

انا فاهم قصدك يا امنه، بس متنسيش ان كل ال حصل انهاردا دا كان صعب جدا ، وكان بمثابه صدمه لاى اب وام ممكن انهم يتحطوا فى نفس الموقف دا ، وخصوصاً ان كل الادله ضدها هى ، مفيش دليل واحد يثبت ع** الكلام ال كان بيقوله الراجل ال جه هنا.

ليردف بعد ذلك بقوله :

بس ال محيرنى فى الموضوع دا ، هو ان الراجل ال جه هنا عرف ملك ازاى ، وهى متعرفش حد هنا كتير ، وكمان مش بتخرج كتير ، فازاى هو كان متصور معاها فى مطاعم وكمان كل المحادثات والصور دى انا حاسس انها مش صح ، رغم ان الواقع بيقول غير كدا ، بس.مش عارف هل دا صح ولا لا.

لتتكلم امنه زوجه عابد وهى تنظر له بهدوء وهى تقول له: ...