Res’ POV
NANG IUPO ko si Roxanne sa sofang gawa sa kawayan ay naiiyak itong nilapitan ni Tiyo Tonyo. Akma akong tatayo na ngunit hinawakan ako ni Roxanne sa braso para pigilan.
“Res, huwag mo akong iwan, please,” pakiusap nito kaya umupo ako sa tabi nito habang mahigpit itong nakahawak sa kamay ko.
“Ano’ng nangyari, Roxanne?” Tanong ni Tiyo Tonyo na kumuha ng maliit na luya at nilagay sa ulo ni Roxanne pagkatapos ay hinipan.
“Bigla na lang po namanhid ang mga binti niya kanina habang magkausap kami,” sagot ko habang may binubulong si Tiyo Tonyo sa luyang hinihipan-hipan nito.
Nilagay ni Tiyo Tonyo ang luya sa tabi ni Roxanne. “Kunin mo at ilagay sa bulsa mo. Huwag mong iwawala,” paalala nito.
“Ano po ba ang nangyayari kay Roxanne, Tiyo? Bakit nagkaganyan ang mga paa niya?” taka
