Halos kalahating oras pagkatapos tawagan ni Mafial si Ruby ay dumating na ito. Gaya ng una niya itong nakita ay maganda ito.
Hindi niya alam kung para saan ang pulang lipstick nito sa labi. Lalo na ang red dress nitong fit na fit sa katawan nito. Aakitin ba nito si Luhan?
Lihim siyang napatingin sa tiyan nito. Hindi naman malaki ang tiyan nito at sexy nga itong tingnan. Pero malay niya, isa o dalawang buwan pa lang ang tiyan nito kaya hindi pa halata.
"Hi, miss. Ang sabi mo sa tawag kanina ay pumasok na si Luhan?" sabi nito sa kanya ng makalapit sa mesa niya.
"Ah, yes. Halika." Tumayo siya at kumatok muna sa pinto ng opisina ni Luhan bago ito binuksan. "Sir, nandito na si Miss Ruby."
Napaangat naman ng tingin si Luhan. "Papasukin mo siya."
Tumango naman siya at bumaling sa babae. "Pa
