Bumalik din si Mafial kinahapunan sa hospital dahil tumawag ang ama nito. Hinahanap daw siya ng binata. Ano naman kaya ang kailangan nito sa kanya? Hindi na sana siya pupunta kung hindi lang nakiusap ang ama nito sa kanya.
Nang mabuksan niya ang pinto ay nakita niya ang mga kaibigan nito. Kasama na doon sina Cyrus, Richard, at Zero? Agad silang nagkatinginan ni Zero.
"Oh, nandito na pala ang hinihintay mo, dre," sabi ni Richard dahilan para mapatingin siya dito. "Aalis na kami. Mag-clubbing na lang tayo kapag nakalabas at magaling ka na. Huwag kang mag-alala, bibigyan kita ng maraming babae para mas gumaling ka kaagad."
"Gago! Hindi ko kailangan 'yon."
Natawa naman si Richard. "Asus! Nahiya ka pa. Basta magpagaling ka kaagad para makasama ka sa amin."
Tinapik nito ang balikat ni Luhan
