"Hoy! Anong nangyari sa 'yo?" tanong ng boss ng mga lalaki.
Dahan-dahan na tumayo ang lalaking tumilapon. "Eh, bigla na lang binuksan yong pinto, boss, eh." Nakatayo na ito ngayon habang nakahawak sa siko nito dahil nagalusan ito ng tumilapon ito.
"Ano? Binuksan lang pero tumilapon ka na? Ano ka ba? Mahina ka ba?" tanong nito habang pinagdidilatan ito ng mga mata.
"Ang lakas naman kasi nang pagkakabukas niya, boss. Parang sinipa niya kaya ako tumilapon."
"Anak ka ng tokwa. Lalaki ba ang sakay niyan at gano'n na lang kalakas ang pagsipa niya?" Napatingin sa kanya ang lalaki. "Hoy, tisoy! Lalaki ba 'yang kasama mo? Anak ng lintik. Bakla ka na ba ngayon?"
Napatingin sa may pinto si Luhan ng ilabas na ni Krys ang isang paa nito at sumunod ang isa hanggang sa makalabas na ito. Naka-black
