"Sino ang mga 'yan?" Kunwaring tanong ni Mafial kay Luhan para masabi nitong hindi niya ito kilala.
Hindi naman talaga niya kilala ang mga ito. Ni hindi nga niya alam kung aling grupo ang mga ito at sino ang nagpadala ng mga ito para harangin sila. Napatingin siya kay Luhan na ngayon ay nakatitig sa mga lalaki.
"Hindi ko din alam." Napabuga ito ng malakas na hangin. "Dito ka lang. Huwag kang lalabas ng kotse Ako na ang haharap sa kanila."
Lalabas na sana ito ng kotse ng pigilan niya ito. Hinawakan niya ang kamay nito dahilan para mapatingin ito sa kanya.
"Papaano kung mapahamak ka?" Bigla itong ngumiti dahilan para magtaka siya. "Anong nginingiti mo diyan? Walang nakakatuwa sa sinabi ko, Luhan."
"Natutuwa lang ako kasi nag-aalala ka sa akin. Kinikilig ako."
Gusto niyang sapakin ang
