Matamlay si Gideon ng malaman na pumasok na si Mikey sa school at sa office naman si Lara. Maghapon na naman sa opisina si Lara at hapon na ito kung makauwi. Naaawa na siya rito. Gusto niyang madaliin ang kanyang paggaling pero habang pinipilit niyang maalala ang lahat ay sumasakit naman ang kanyang ulo. Wala siyang kibo hanggang makarating siya sa labas ng kanyang kuwarto saka tinungo ang family room na nilagyan ng dining table para sa kanya at kasabay niyang kumakain dito sina Lara at Mikey. Hirap pa siyang maglakad ng malayuan pero kakayanin niyang gawin ito araw-araw.
“Ako na, ‘Nay.” Pinigilan niya ang ina ng akmang ipaghahatak siya nito ng silya. Pakiramdam niya ay masyado na siyang bini-baby kaya parang ang tagal niyang gumaling. Malungkot siyang naupo. Nakahanda na ang kanyang pa
