Tulog na si Mikey ngunit hindi sina Gideon at Lara. Nasa gitna nila si Mikey sa kama at hawak pa ng bata ang tig-isa nilang kamay na ipinatong sa tiyan nito. Parehong hindi kumikibo at nagpapakiramdaman ang dalawa. Nagkakahulihan ng mga tingin at sabay ding umiwas.
Inaantok na rin si Lara at gusto na rin niyang matulog. Hahayaan na lang niyang magkatabi ang mag-ama at lilipat na lamang siya ng kuwarto. Unti-unting inalis ni Lara ang kamay ni Mikey ngunit gumalaw ito at lalo pang humigpit ang hawak sa kamay niya. Wala siyang nagawa kungdi hayaan na lang at hintayin na kusang mabitiwan ni Mikey ang kaniyang kamay ngunit kalaunan ay nakatulog na rin siya.
Gising pa rin si Gideon at nakatitig siya sa tulog ng si Lara. Taglay pa rin nito ang gandang nakabibighani. Isang malalim na hininga an
