Kahit medyo inis si Lara kay Gideon dahil kay Blenda ay naging masaya naman ang buong araw niya. Ang makasama ang kanyang anak ay sapat na sa kanya. Pagpapasensiyahan na lamang niya ang pagbabalewala sa kanya ng ama ng anak niya. Galit pa rin ito sa kanya at nararamdaman niya ito kapag silang dalawa na lamang.
Pinasaya ni Lara ang mukha pagpasok niya sa kuwarto ni Don Ramon. “Papa, kumusta ang maghapon mo?” masayang bati niya sa kanyang ama. “Pasensiya na kung maghapon kitang ‘di nasamahan. Isinama ako ni Mikey sa simbahan at sa park.” Sinadya niyang huwag banggitin ang pangalan ni Gideon.
Namilog ang mga mata ni Don Ramon sa tuwa. “Talaga, Anak? Kasama ba si Gideon?”
Tumango si Lara, “Pinapasabi niya na next week daw siya magre-report sa’yo.”
“Gusto ko ng umuwi sa bahay natin,” war
