جنة فؤادي الجزء السابع

1900 Words

جنة فؤادي الجزء السابع الكاتبة زينب النجار #zainab_alnajar لا استحق كل هذا الضلم .. كفى يا حياتي _ ليش يمه هذا الأسلوب ويه البنية شسوتلج .. فوگ ما اهتمت بالطفل ،، _ اي هاي الدروب اعرفها مال المطلقات .. بالأول تهتم بيك وترجع على جهالك.. اصلاً اخاف منها ومن عيونها خاف تحسدهم وهي محرومه من الخلفة اكيد عيونها نار عليهم _ الله أكبر .. يمه البنية ذهب صافي .. شنو هالحجي هذا اتقي الله عندج بنات .. لو وحده بمكانها ترضين احد يحجي عليهن هيج _ اسم الله على بناتي .. محترمات ازواجهن وكلهن مخلفات .. هاي هم عاقر وهم الله اعلم ليش طلگها _ يمه تعرفين قصتها وحاجيلج عنها.. هاي اخير مرة اسمع هذا الكلام عن زبيدة اذا صدگ تعزيني _ وانت شدعوه هلگد مهتم بيها .. عبالك ما انتبهت على نظراتك عليها _ نظراتي !!!! يمه كافي رحمه لوالديج .. ولو صدگ .. انتِ تگولين نظراتي يعني لبنية شنو دخلها خافي الله يمه وصلنا للبيت نزلت الجهال وانا دمي يفور من كلام امي على زبيدة .. هاي الانسانة ماتستاهل هالكلام دخلت غرفتي الجو حار افتح بأزرار القميص اريد اسبح .. رفعت راسي على المرايه اباوع على نفسي واجتي بأذني حجايه امي نظراتك عليها .. معقوله نظراتي فاضحتني لهذا الحد… اي لا تستغربون .. مشاعر خاصة بداخلي لزبيدة .. بس خايف احجيلها وبعدين اخسر قربي منها لأن ما اعرف رده فعلها .. وما اعرف هاي المشاعر شنو .. حب .. اعجاب .. ومن شوكت غزتني ااااااخ ياارب ساعدني مر اليوم عادي حتى طلعاتي ويه اصدقائي قَلت لأن امي ماتگدر على الاطفال وحدها بعد مانامو طلعت شوية يم نزار .. اكثر من اخوية هو وما أضم عليه كل شيء. . حجيتله موقف امي _ حارث انت تحبها _ والله يا خوية ما اعرف .. احس نفسي ضايع بيوم الما اشوفها .. واتحجج حتى اتصل واسمع صوتها .. اوضاعي كلها تتلخبط من تصير عيوني بعيونها دگات گلبي وارتباكي .. من تگول اخويه تگول عبالك تض*بني طلقة بگلبي بس الي بداخلي شنو مدا اعرف اميزة والله _ من شوكت هذا احساسك .. _ بعد ماطلقت دينا يمكن يالله انتبهت .. قبلها ماكنت مركز _ حارث دير بالك لايكون مجرد فراغ بداخلك وتريد تملي بهاي المسكينة .. لا تأذيها بمشاعرك .. ماصارلك هواية منفصل _ مستحيل ااذيها نزار لا والله.. وياريت تقبل بيه وتكمل حياتي _ ليش ماتقبل يعني لأن عندك اطفال _ نسيت فرق العمر وانا اصغر منها .. ولو هي قبلت .. امي شلون راح تقبل _ الله كريم خليها للأيام واذا قسمتك ماتصير لغيرك وانت هم حاول تحسسها وتجس نبضها رجعت للبيت خالي واحمد ابن خالي موجودين امي تلگتني من المطبخ _ خالك يريد يحاجيك .. جاي لعندك بعد شتريد _ يمه ما اريدها لو يصبها ذهب _ دفوت فوت كافي حجي زايد _ والله هاي خوش شنو اني مره وانغصب فتت داخل البيت گاعدين بالاستقبال .. سلمت بفتور وگعدت _ ابني اعرف بنتي غلطت وهاي اني نزلت نفسي واجيت .. المسامح كريم .. اگلبوا صفحة جديدة لخاطر جهالكم حجه احمد _ فشلان منك يا ابن عمتي على سوايتها والله **رتها وحابسها باللبيت .. شلون هيج سوت راح اتخبل ياخوية والله فشله من الناس شنگول شنحجي _ احمد شايل هم الناس !! وكرامتي وشرفي .. وقيمتي گدام نفسي.. يعني تضنون هذا شي سهل _ لا والله مو سهل .. بس لخاطر جهالكم عاد _ جهالنا من وهي موجودة هاملتهم ما اتصور يهموها.. ولو صدگ مهمين جان سألت وقاتلت علمودهم .. والحمدلله مامحتاجيها حجت امه _ لا محتاجيها .. انا تعبت لشوكت اداري _ ها يمه هسه تعبتي ومن جانت الخاتون هنا تدارين وانتي الممنونه بس حتى لا احجي _ خالي اسألك.. الله عليك هي ادري بيكم جايين ؟ نصه راسه خاله _ اكيد ماتدري بيكم .. لو تدري جان ماخلتكم تجون اهم شيء عدها غرورها وخشمها ماين**ر جيتك على عيني وراسي خالي بس انا لزمت محامي كم يوم ويجيها تبليغ واتمنى ماتعرقل شغلي وتتنازل عن حضانه الجهال .. اذا ماتنازلت عندي كلشي مضموم بعده اقدمه للمحكمة .. واعتقد هي ماتريدهم اصلاً خاله منصي راسه هو واحمد .. گام عليهم _ ارفع راسك خالي .. وانت هم احمد .. احمدوا الله انا مو غريب ولا فضحتها وتريدون خلوا سبب الطلاق بيه گولوا مو خوش ادمي گدام الناس .. بس ياخالي ارجعها صعبه علية وجيتك غالية حضنه خاله وگام يبجي .._ نزلت راسي .. كل يوم اريد اخلي طلقة براسها واخلص منها وابطل شأگول للناس لو الله يموتها ويخلصني طلعوا خاله واحمد واستلمته امه نفس الموال.. فتح تلفونه وخله الهيدفون بأذنه واخذ حمودي ابنه وصعد غرفته .. … . .. بعد ايام رحت للدوام متأخر شوية. اجيت ادخل وطلع من غرف*نا استاذ معن . مدير قسم بالشركة رجل محترم وراح يقارب الستين السنة الجاية يطلع تقاعد .. كان مهتم بملابسه زيادة اليوم القاط والرباط… والعطر . ومشط كم شعرايه الباقية عنده بترتيب .. سلمت عليه هو طلع وانا دخلت .. سلمت على زبيدة كانت منصيه راسها رفعت راسها ردتلي السلام ابتسمت وعيونها غرگانه دموع _ شبيج _ ههه مابيه شي ، تمسح بعيونها ،، _ احجي زبيدة .. احد اذاج.. شيريد استاذ معن هنا اليوم ماجاوبتني بس راحت فتحت الشباك وسندت ضهرها بالحايط وتباوع السراب.. _ ليش ماتجاوبين _ ليش تهتم بيه !! _ عادي .. تعرفين غالية علية و _ حارث كافي احد يسمعك يفسرون بكيفهم ومايعرفون انت مثل اخوية مسح وجهه بأيده اندارت عليه _ تدري شيريد استاذ معن ؟ .. يريد يخطبني _ شنووو تبجي وتضحك بنفس الوكت _ اي شبيك .. عادي . منو يخطب وحده عقيم .. لا وفوگاها مطلقة . . استاذ معن الي عمره تقريب ضعف عمري .. وبنته اكبر مني .. أرمل وراح يطلع تقاعد .. يريد يلتهي تالي عمره ويه ل**به وبعد احسن اذا ماتخلف .. تحجي ودموعها تنزل مصدوم من الكلام الي يسمعه .. تمنى ياخذها بحضنه ويمسح دموعها.. تقرب عليها قرب ايده مسح دمعها صار كلش قريب منها .. هي انتفضت وابتعدت عنه .. باوعت بعيونه نضره ماعرف يفسرها خوف منه لو خوف من مشاعرها .. راحت للميز مالتها زبيدة _ اخذت جنطتي ورحت نزلت للكافتيريا بالشركة .. كانت فارغة بعدها الصبح والموضفين بعدهم ما نزلوا گعدت وبجيت بحرگة اريد اطلع كل الهم الي بص*ري .. حتى انت يا حارث معقوله.. .. تقريب ساعة .. بدوا الموضفين ينزلون الي يشرب جاي والي يتريگ.. دخلت للحمام غسلت وجهي ورتبته خليت شوية كحل اريد اخفي اثار البجي ماريد احد يعطف عليه رجعت للقسم .. مريت على وفاء گلتلها اذا ماعندج شي تعالي نگعد بالغرفه .. اخذته ورحت حسيت ماريد انفرد بي .. حتى لو ماقصد شئ بحركته هاي بس لازم جان يفكر اذا احد الموضفين دخل علينا شنو راح يفسرون !! ضلت وفاء تسولف وتحجي .. انا بس اسمع واشتغل ملفات گدامي وارسم ابتسامة مزيفة على وجهي وحاسه بنضرات حارث تخترقني بس ابد مارفعت راسي ماريد حتى عيونه تلتقي .. واسمع تلفوني توصلني رسائل كل شوية او يدگ وينقطع عرفت هو يتأفف وطلع من الغرفة راح يدخن .. وفاء تحجيلي عن موضف ويانه مصارحها وقريب راح ينخطبون اسمه علي _ مو جنتي تحبين حارث ولج علي شوكت حبيتي _ لا والله زبيدة حارث جان يجذبني شكلة وبس عمري ماحبيته وحتى كلامي جان اتشاقة .. بعدين حارث يحب وفاضحته عيونه _ اي خطية انفصل عن زوجته هو يحبها .. ان شاءالله يرجعون لبعض _ لا مو زوجته _ لعد منو _ تجيج السالفه قابل تريد تنضم .. وتغمز بعيونه _ والله انتي كل البله بيج ويايه بالغرفة ومامنتبها عليه .. _ اروح اكمل شغلي عود نطلع سوا وصليني باي كملت شغلي بسرعة ودخلت استأذنت من المدير وطلعت .. ما اريد التقي بحارث .. اريده يتعود يخلي حدود بيناتنا .. صرت اخاف من كل الناس وما عندي ثقة بأحد .. خايفة يكون ضنه بيه مثل الناس ويشوفني سهله .. لا يحارث الله يخليك لا تصير مثلهم ?? … .. _حارث ليش استعجلت بهاي طلعتي .. اوووف اعرف بيها راح تضن اريد استغلها مثل الحواليها .. بس صدگ تمنيت اشيل كل همها .. من شفت دموعها و**ران خاطرها .. لازم ارجع افهمها .. نوب جابت وفاء محرم بيناتنا.. اااخ طفه اخر جگارة بأيده ورجع يدور عليها .. عرف بيها طالعة وأكيد ماتريد تلتقي بي .. نزل يدور سيارتها ماكو .. التقى بأستاذ معن بگراج السيارات بالگوه لازم روحه لا يض*به .. بس كان شكلة كلش ضايج مو مثل ابتسامة الصبح .. الضاهر زبيدة ناطيته جوابها .. بس لازم اتأكد .. هسه ليش ماتجاوبين حتى التلفون .. جاوبي عاد والله قصدي مو مثل ماتتصورين _ زبيدة ضل يتصل حارث وما اجاوبة وفاء انتبهت على تلفوني تالي خليته صامت وصلتها ورجعت للبيت .. صدگ انقهرت على استاذ معن وانا ارفضه من طلعنا اجه كان مبتسم گالي باجر اريد جواب منج .. مايحتاج باجر استاذ .. اسمع مني هسه .. اني احترمك كلش واشكرك على ثقتك وكلماتك بحقي .. بس موضوع الزواج شايلته من بالي اعتذر كلش ان شاءالله تشوف الي تسعدك .. راحت الابتسامة عن وجهه ترخصت منه ومشيت زين هسه ماجاوبت حارث وتهربت منه باجر شلون ليش حارث ليش ? وصلت للبيت الجو حار كلش كلت خلي اسبح بسرعة واروح على بابا .. كملت ورحت لغرفته .. لگيت الغرفة كلش حارة السبلت مامشتغل يمكن عاطل .. وبابا وجهه احمر وعرگان كلش .. صحيته بس يون .. گمت اصرخ نزلت مرت حسام _ هاي شبيج تصيحين .. يا شبي عمي _ هسه شبي عمج .. دنزلي شوفي ولو دقايق الله اكبر هيج حتى انسانية ماكو .. ماحسيت بنفسي واني اصيح _ اوي واني شمدريني بي وليش تصيحين اشتغل عندج اني _ رجاءاً ابتعدي عن طريقي مو بحالج.. خليت بابا بالكرسي مالته واخذته للحمام سبحته بمي بارد ولبسته ملابس نضيفه حسيت شوية صار احسن طلعته خليته يرتاح شوية وجبتله غده والعلاج مالته بس حسيته تعبان حتى ماگدر يأكل گلت من يجي حسام اگوله وناخذه للدكتور گاعده يم بابا بالاستقبال وأجه حسام .. عصبي وعيونه تجدح _ ولج ليش تصيحين على مرتي شنو خدامة عندج هي _ حسام امشي بالمطبخ نحجي _ لا احجي هنا گدام ابوج حتى يعرف _ ابوج !! ليش هو بس ابوية !! .. ولا تخاف .. هو يعرف لان كلشي گدامة صار .. ترى مابيها شي لو نزلت زوجتك على ابويه مره وحده لما اجي تشوفه خاف محتاج شئ .. دتشوف الجو حار والسبلت بغرفته طلع عاطل والباب والشبابيك مسدودة تعرف شنو يعني بهالحر كل هذا .. لگيته گوه يجر النفس وتعبان نزل راسه ورجع گال اي واذا جان گلتيلي واني وين شايفتك حسام ترجع من شغلك وتصعد انتبهوا ابوهم دموعه تنزل گلهم عفية والله صرت سبب بمشاكل البيت شوكت الله ياخذ امانته واخلص واخلصكم اسم الله بابا لا تگول هيج .. منو الي اني حسام طلع ديصعد فوگ وصحته .. خلي نودي بابا للدكتور العصر ترى تعبان والدكتور صار فترة گلي جيبو نوب علمود قلبه وال**ام المسدود _ اني عندي شغل هسه شوية وارجع .. مو كل مرة انتي تاخذي .. اخذي هالمرة هم .. عافني وصعد مصدومة منه معقولة هذا اخوية هيج تغير !! بيومها بابا ماقبل اخذه للدكتور وبقى مقهور بالگوه اكل شوية علمود علاجه الصبح سويتله الريوك وخليته بالاستقبل ينام بوسته وطلعت وخليت التلفون يمه حتى اتصل بي وذلك الوگت يالله فتحت تلفوني جنت قافلته بعد اتصالات حارث وصلت للشركة وتوتر بداخلي .. تمنيت اتهرب من حارث بأي طريقة ماريد اسمع شي منه يمكن خايفه انصدم .. مريت على وفاء گالت ما اگدر اجي يمج عندي شغل .. دخلت گلت صباح الخير بدون ما اباوع لمكتبة .. جاوبني وياه صوت غريب ثار فضولي باوعت لمكتبة .. طلعت بنته داليا .. ابتسمتلها واجتي علية .. ياعمري شنو هالجمال ماشاءالله.. خليتها على رجلي ابوس خدها واحاجيها گالت خاله راح اسجل بالروضة بابا جابني حتى اخذ صور واروح للروضة اسجل فدوه حبيبتي هسه تطلعين تخبلين بيهن.. احس بنضرات حارث علينا بس ماريد اباوع بعيونه .. خليت الطفلة يمي نطيتها اوراق وقلم وهي ترسم ونستني وحارث بس يدخن .. دخل الغرفة المدير وطلع مستعجل .. گال_ زبيدة _ نعم استاذ حارث تفضل _ صارت شغلة مستعجلة المدير دزني للمصرف .. ممكن تخلين داليا يمج شوية _ اي مايخالف بعيوني _ تسلمين .. باس بنته وطلع مستعجل خلص الدوام وحارث ما اجه .. اضطربت اتصل بي طلع رايح لفرع الشركة بالحلة تقريب ساعتين ويوصل .. اخذتها للطفلة وطلعنا .. ابد ما استغربت حبيبتي هي ماسكه بأيدي نزلنا اكلنا ودخلنا مول قريب عجبني نفنوف وا**سوارات اطفال حلوات اشتريته الها گلتلها البسي بالروضة .. فرحت بي وتمشي وشايله الكيس بأيدها يافدوه ياعمري .. واخذتها ورجعت للبيت .، تقريب نص ساعه واتصل حارث گال اجيت عليها اني بالباب .. بستها وحضنتها وراحت ويه ابوها نظرات حارث غريبة ومدا اعرف افسرها وماريد اسمع منه اي تفسير .. خايفة من شكي يكون بمحله وما اريد اخسرة هو هم #المـــاله واهس بالعشـــک خل يستراح لايعذب ناس #جرجرها الــــهوه الناي مفصل گصبه بس.#بيه روح يطرب الحانه#لان كلبه #انجـــــوه الحب ليس روايةً شرقيةً بختامها يتزوج الأبطال لكنه الإبحار دون سفينةٍ وشعورنا ان الوصول محال هو أن تظل على الأصابع رعشةٌ وعلى الشفاه المطبقات سؤال هو جدول الأحزان في أعماقنا تنمو كروم حوله .. وغلال.. هو هذه الأزمات تسحقنا معاً .. فنموت نحن .. وتزهر الآمالُ هو أن نثور لأي شيءٍ تافهٍ هو يأسنا .. هو شكنا القتالُ هو هذه الكف التي تغتالنا ونقبل الكف التي تغتالُ رأيكم مهم ..

Free reading for new users

Scan code to download app

App Store Google Play

Facebookexpand_more