Chapter 18 "So we'll pretend...?"
Shin's POV
Nakasunod lang ako sa direksyon na tinatahak ni Kuya Marv habang naglalakad kami.
Ang bilis niyang maglakad, halos matapilok na ko. Kung hindi niya ako hawak malamang ay naiwan niya na 'ko.
Kasi habang nagsasagutan si Lolo at si Jace kanina ay bigla niya na lang akong hinila at dinadala sa kung saan.
Hindi ko pa nga alam kung ano'ng nangyayari, kung ano' ng tungkol sa Shillen properties na iyan, hinila niya na ako palayo.
"Kuya saan ba tayo pupunta?" pagmamaktol ko pero parang hangin lang na tumama sa tenga niya ang sinabi ko at hindi ako sinagot.
Huminto siya sa paglalakad kaya napahinto na rin ako, nasa isa kaming banda ng site na walang tao.
"'Yon si Jace? Pagsabihan mo 'yang boyfriend mo, binabastos si Lolo," sabi niya na parang
