“ARE WE there yet?”
Napangiti si Pippa sa tanong ni Ike. Nang hapon na iyon ay niyaya niya ang binata na magtungo sa isang pinsan ni Lola Consuelo, si Lola Faustina. Alam niyang nabubuhay at malakas pa ang matanda. Hindi lang niya ito naalala kaagad hanggang sa ireklamo ni Ike ang pananakit ng balakang nito. Hindi alam ng binata kung bakit bigla na lang iyong nanakit kaninang umaga.
“Kinulam ka, Ike,” ang nanunudyo niyang sabi, na tinawanan lang ng binata.
Si Lola Faustina ang sinasabing pinakamahusay na hilot sa buong bayan. Naalala ni Pippa na noong bata pa siya ay madalas siyang dalhin ni Lola Consuelo sa kubo ng pinsan nito dahil palaging napipilayan. Naisip niyang magandang pagkakataon iyon upang mabisita ang matanda.
Medyo may kalayuan ang kubo ni Lola Faustina sa bahay nila. N
